lite > mykje

you'll never need to doubt it

2005-07-05T01:25:00.000+02:00

Eg keiar meg heime, og har i stor grad lite å melde:
- Eg er misunneleg på alle som var på Roskilde. Det er ganske bittert at eg ikkje var der, og attpåtil at folk som koste seg der nede sendte meg meldingar om at dei koste seg.
- Eg må stå opp nokså tidleg for tida, i alle høve til meg å vere, fordi eg driv og gjer småjobbar for morfar. Luke ugras, skrape maling, rydde garasje. Ting. Litt keisamt, men eigentleg heilt greit ein fire-fem timer om dagen.
- Eg gler meg til å reise til Bergen att.
- Eg gler meg og litt til å passe på hunden til nokre søskenbarn av meg. Familien reiser vekk, og eg skal ha ansvar for Casper. Han er ein snill hund. Eg trur det skal gå ganske fint. Sett vekk ifrå at eg moglegvis er allergisk. Men det fiksar vel ein Zyrtec i ny og ne, vonar eg.
- Alle avsnitta byrjar med "eg". Sett vekk ifrå dette. Men det er eit meta-avsnitt, og tel ikkje med.
- Og no skal eg sjå Simpsons!

they all melt down in summer

2005-06-23T18:07:00.000+02:00

No sit eg i det nye husværet vårt. Me er litt forvirra angåande kontrakta, i og med at Magnus, som me har tenkt skal vere kontaktperson og som har snakka med huseigaren, har fått ei anna kontrakt enn den eg fekk nett no då eg kom inn frå regnet. Den eine seier 2725kr pr. person pr. månad, den andre seier 12000kr totalt. Skilnaden er altså på 275kr pr. person pr. månad. Eg vil tru at huseigaren vil påstå at det er den dyraste som gjeld, trass i at me ikkje har høyrd anna enn 3000kr inkl. straum, noko som tilsvarar den billegaste kontrakten, som eg sit med. Men no skulle Magnus ringe han i morgon, så får me sjå. Det er vel ikkje akkurat me som sit med dei beste korta her, reknar eg med.

Elles har eg nett fått vite at eg om få dagar får depositumet frå det gamle husværet inn på konto. 6700kr netto. I og med at depositumet på dette ikkje er på meir enn 3000 (evt. 2725, avhengig av kva som skjer med kontraktane), og at dette ikkje må betalast før i august, ligg eg godt i pluss no. Eller, det gjer eg vel ikkje. Eg skal jo betale leige for juli og august. Men så kjem i alle høve desse kronane godt med.

I morgon reiser eg til Stavanger att. Eg er litt ambivalent, men no er det jo meste ingen her lengre likevel, så det er vel like greit. For øvrig trur eg røykvarslarbatteriet må skiftast her snart. Det pip.

that's not the way you do it

2005-06-20T02:23:00.000+02:00

Eg kjenner for å skrive punktvis, utan at eg heilt veit kvifor. Kanskje er det tida. I alle høve:
1. Eg er ferdig flytta til nytt husvære. Akkurat no bur eg på sett og vis to stader, utan at eg betaler for nokon av dei. Det er litt rart, det der. Eg betalte den gamle (kor eg er no) til femtande juni, og no er eg her mest for å halde Erik med selskap, og for å få vaska ut og slike ting som blei litt forsinka pga. gravferda. Den nye betaler eg frå første juli, men dei som bur der no seier eg kan kome og gå som eg vil, greie som dei er. I tillegg kan eg reise heim til Stavanger når som helst, noko eg og har tenkt å gjere når eg er ferdig med alt her. Gratis mat er aldri å forakte.
2. Gravferda var fin, men slitsam. Det er ein påkjenning å sjå så mange nære menneske vere så prega. Men slik er no gravferder. Ikkje noko ein gler seg til, men likevel noko ein ikkje vil gå glipp av. Eg trur verkeleg det er lenge sidan eg sist var så sliten som då eg kom heim fredag kveld.
3. Sommarferie utan sommarjobb er eigentleg nokså keisamt. Eg har allereie byrja glede meg til semesteret byrjar att i august. Sommaren tenkte eg å bruke på lesing og skriving. Litt Hamsun og litt Pynchon vonar eg at eg kan klare å kome gjennom.
4. Sjå film basert på tekst. Eg nemnde dette for ei stund sidan. Filmen er altså laga med utgangspunkt i ein tekst eg har skrive, og det blei ein ganske så fin film. Eg mistenkjer dei for å vere dyktige folk, utan at eg har møtt nokon av dei. Men finfint resultat.

hot wire my heart

2005-06-15T22:32:00.000+02:00

Sommarferien sitt inntog var dårleg tima i år, gitt. Alle har reist heim, og det er grenser for kor gjevande det er å sitte på Kvarteret og vente på folk som tydelegvis aldri kjem når eg vil dei skal kome. Eller i det heile, for så vidt. Eller, det veit eg jo ikkje. Men ikkje så lenge eg satt der. Eg er ikkje direkte overraska, då det skal noko til å treffe på folk tilfeldig, enno det berre er Kvarteret det er snakk om.
(Det er
lenge
til hausten)

Over til noko heilt anna. Jonathan Safran Foer har gitt ut ny bok. Debuten hans, Everything Is Illuminated, er smått fantastisk, som eg vel nemnde i bok-greia litt lengre ned på sida. Eg gler meg til å lese denne.

fixing a hole where the rain gets in

2005-06-14T01:38:00.000+02:00

Det er rart. I natt drøymde eg at eg var i gravferda til farmor. Då eg våkna ringte far min og sa at ho var død. Kanskje ikkje eigentleg så rart, i og med at me vel har venta på dette den siste veka. Nitti år er mykje. Så mykje at eg kan ikkje heilt skjøne det. Det er fire og ein halv gang så lenge som eg har levd. Lenge. På fredag er det reell gravferd. Det blir nok litt spesielt.

Dagane går utan at eg gjer noko av det eg hadde tenkt å gjere, eller burde gjere. Eg bør nok likevel byrje på pakking i morgon, i og med at eg skal flytte til helga. I morgon bør eg og ta ein tur til Kvarteret, for å sjå om det er nokon der eg gjerne vil snakke med. Det kan hende det er. Det kan og hende det ikkje er, men det finn eg ikkje ut om eg ikkje går innom.

i wish someone would give me something to do

2005-06-07T00:24:00.000+02:00

Ferdig med eksamen. Den skriftlege oppgåva holdt til B, og munnleg gjekk ikkje verre enn at eg fekk B i sum. Å seie at det gjekk bra ville vere å ta litt hardt i, då eg hadde store problemer med å seie noko særleg fornuftig om "Der alle stier taper seg" av Paal Brekke. Eit godt dikt er det, men ikkje det enklaste å plukke fra kvarandre på sparket. Eg skulle gjerne fått Shakespeare si Sonette 18, men den fekk visse, heldige andre. No har det jo lite å seie, i og med at eg uansett havna på B. Heldigvis. Eg trur eg redda meg inn på essaydelen, kor eg faktisk kunne seie ein heil del om "Om bøker" av Montaigne. Og no har eg altså sommarferie. Enno har eg ikkje fått svar angåande sommarjobb. Dei neste dagane trur eg at eg skal bruke til å lese Thomas Pynchon. Eg trur det kan vere triveleg å gå på lesesalen for å lese noko anna enn pensum.

Elles har me funne ein stad å bu. Lite, men triveleg. Også får eg eit nokså stort soverom. Større enn stova. Men det seier ikkje så mykje, all den tid stova når det gjeld storleik kan samanliknast med eit middels kott. Men det går vel bra. Me skal bu saman med to andre, som flytter inn i august. Anar ikkje kven eller korleis dei er, men eg trur det skal gå greit. Billig er det og, med 3000 i månaden inkludert straum. Gler meg litt til å flytte. Snart må eg byrje å pakke. Og senga mi er øydelagt. Hmm. Kanskje eg berre skal sove på madrass på golvet i natt.

Laurdag var artig og morosam. Eg veit ikkje kor ølprisene landa til slutt, men eg trur eg hugsar at det kosta 15 ei stund. I alle fall så var det stas, og mange bra folk hadde funne vegen. Men kvifor i alle verda sendte eg ei melding kor det berre stod "Kommainergt!" klokka 4 på natta? Det er eit mysterium.

Og her om dagen fekk eg kjøpt dagspass til Sonic Youth-dagen på Øya. Skuffa over at eg ikkje får med meg Dinosaur Jr, men slik er det når ein er seint ute. Eg gler meg i alle fall. Eg må oppdatere meg på fleire Youth-album i løpet av sommaren. Det gler eg meg og til.

i've never caught a glimpse

2005-06-04T00:13:00.000+02:00

Oj. Klokka seier plutseleg at eg er ett år eldre. Men eg føler at forskjellen mellom 22 og 21 er ein del mindre enn forskjellen har vore dei siste åra. I alle høve bør det bli ein god dag i morgon, med Tøm Tankene på Hulen som høgdepunkt. Eg trur sanneleg eg har klart å lokke med meg dei aller fleste til å vere med. Det var ikkje vanskeleg. Eksamen på måndag er sjølvsagt inga hindring i forhold til å feire med boller og brus. Det blir nok stas.

Eg trur kanskje at eg ein eller annan stad langt inne i hovudet mitt hadde tenkt å fundere på det å bli eldre. Men det er så teit at det bør eg helst ikkje gjere. Det er så teit på alle måtar. Eg trur eg lar det vere med dette.

only want to see you dancing in the purple rain

2005-05-29T02:04:00.000+02:00

Blåtur med Kvarteret i går. Me var visst ein stad i nærleiken av Øygarden, utan at eg er heilt viss på akkurat det. Det er heller ikkje veldig vesentleg kor me var. Viktigare var det at det der stod to fulle kjøleskap med øl, som me fekk klar beskjed om å drikke opp innan me skulle reise heim att. Eg veit ikkje om me drakk opp alt, men eg trur eg bidro godt i alle høve. Og ikkje nok med det, me kom til Bergen igjen akkurat i tide til nachspiel på Villaen. Det blei i det heile ein lang dag. Og ein fin tur var det og.

Ikkje fullt så hyggeleg var det at eg ikkje kom inn på Skrivekunstakademiet denne gongen heller. Men det positive med det er at eg får dratt på utveksling tidlegare, i og med at eg ikkje må ta pause i studiet. Eg må berre ta ein prat med dei som styrer med utveksling, å finne ut detaljane.

Hmm. No skulle det vere vår. Det er ikkje så veldig vår.

when i set myself on fire

2005-05-25T19:36:00.000+02:00

1) Hvor mange bøker eier du?
Kanskje rundt 50? Eg er ikkje sikker. Eg treng i alle fall meir bokhylleplass til neste år.

2) Hvilken bok var den siste du kjøpte?
Tru om det ikkje var Gravity's Rainbow av Thomas Pynchon. Eg kjøpte den samtidig med at eg kjøpte Catch-22 i bursdagspresang til bror min. Etter det kan eg ikkje hugse å ha kjøpt fleire bøker.

3) Hvilken bok var den siste du leste?
Det var Katalognr. 49, og av Thomas Pynchon. Etter det har eg byrja på både Something Happened av Joseph Heller og nemnde Gravity's Rainbow, utan å kome så langt. Så har eg med jamne mellomrom kikka i Formular av Markus Midré.

4) Nevn fem bøker som betyr mye for deg, og som du har lest mer enn tre ganger.
Eg trur ikkje det finst fem bøker eg har lest meir enn tre gonger. Eg har nok med å kome gjennom dei éin gong. Men det første kravet kan eg oppfylle:
- "Catch-22" av Joseph Heller. Måten den er skriven på er gjennomført fantastisk. Den har eit språk og ei form som er eit par hakk over det meste anna eg har lese.
- "Sveve over vatna" av Ragnar Hovland. Eg trur eg kan seie at Hovland er mannen som fekk meg til å ta det siste skrittet over til nynorsk. Også kjenner eg meg veldig igjen i forteljaren.
- "Everything is illuminated" av Jonathan Safran Foer. Det er rart at eg stadig vekk gløymer kor sterk inntrykk denne boka gjorde då eg las den, for halvanna år sidan eller sånn. Det er noko eg ikkje heilt kan sette ord på med denne boka. Den har påvirka heile måten eg ser på litteratur på, trur eg. Eller måten eg skriv på, kanskje. Det hadde vore ein god ting, på sett og vis.
- "Alice in Wonderland" av Lewis Carroll. Verdas beste barnebok. I alle fall som eg har lese. Eg skulle ønske eg hadde så rik fantasi som Carroll.
- "High Fidelity" av Nick Hornby. Heh, denne må meste vere med. Og den har eg faktisk lest minst tre gonger. Den er fin. Kanskje ikkje så mykje meir, men av og til treng eg ting som ikkje er så mykje meir. Eller ikkje så mykje i det heile.

5) Oppfordre fem personer til å fylle ut denne i sin blogg:
Dei som vil.

it was only fair

2005-05-24T23:40:00.000+02:00

Både i går og i dag hadde eg planlagt å stå opp tidlig, og dra på lesesalen for lese lyrikkteori. Men eg kom meg jo ikkje opp, verken i går eller i dag. Latterleg arbeidsmoral. I morgon skal eg opp. Skal. Må, forsåvidt. Det er ikkje meir enn to veker til eksamen, og eg skal lese både lyrikk og essay. Hmm.

Elles skjer det brått spennande ting med folk rundt meg. I første rekke er det hyggeleg og flott. I andre rekke får det meg til å innsjå at det i grunnen skjer veldig lite spennande ting med meg. Men men. Eg blir stort sett utelukkande veldig glad av at fine ting skjer med folk, så og no. For øvrig kan det godt bli litt meir sol her den neste tida.

Denne kortfilmen eg nemnde for ganske lenge sidan, som blir laga utfrå ein tekst eg har skrive, er visstnok meste ferdig, og skal kome dumpande i posten neste veke eller så. Det gler eg meg til. Regissøren sendte meg eit bilete frå filmen, og det såg ikkje dumt ut. Men det er vel grenser for kor mykje eit bilete kan seie om ein film, til og med ein kortfilm.

Det trur eg er alt eg har å fortelje. Fred ut.

will you teach me how to fight

2005-05-21T00:35:00.000+02:00

På tysdag åt eg pizza, og brann meg i ganen undervegs. På onsdag kan eg ikkje hugse å ha kjent noko særleg til det. I går var det vondt å spise, og hadde generelt ikkje blitt betre. I dag har det vore heilt absurd vondt. I morges tok eg ein paracet, som nok hjalp litt. Då eg kom heim etter å ha vore på jobb på Kvarteret tok eg to til. Dei hjalp såpass at eg ikkje kjenner så mykje til det akkurat no, bortsett frå at eg har vondt i halsen. Eg kan ikkje heilt skjøne korleis ein brent gane kan gje meg hovudverk og vondt i halsen. Men slik er det altså. For øvrig var det til tider nokså slitsomt å jobbe, mykje grunna denne ganen og hovudverket den av ein eller annan grun har funne på å påføre meg. Teit.

Me var på visning i eit veldig fint husvere i dag. Nokså dyrt, men veldig fint. Eg er litt skeptisk til å bu saman me BI- og jusstudentar, men dei verka ganske trivelege likevel. No gjenstår det å sjå om dei vil bu med oss. Ny visning på måndag, visstnok.

Det vart sagt i ein kommentar her om dagen at eg har vore modell. Det er litt sant. Eg og Therese og Magnus var ute og tok bilete. Eller nei, dei tok bilete. Eg berre var der. Så fann eg eit artig skilt, og då ville dei ta bilete av meg og dette skiltet. Det blei blant anna slik:

No skal eg sove. Etter at eg har nemnt at Junior Boys er bra. Teach Me How To Fight er saker.

are you a teacher of the heart (soft she answered no)

2005-05-18T22:49:00.000+02:00

Eksamen gjekk heilt fint. Det viste seg at eg ikkje hadde nokon grunn til å ha nerver, så det var jo like greit at eg aldri fekk det heller. B hadde vore fint, C hadde vore greit. Eg trur eg var førstemann som gjekk, utan at det er noko å strebe etter. Det berre har seg slik at eg ofte blir tidleg ferdig på slike ting. Heildagsprøvar på ungdomsskulen og vidaregåande. Same greia. Eg har aldri vore glad i å skrive kladd, og det kan ha noko med saka å gjere. I alle fall. Det gjekk bra, og no har eg nokre veker å lese meg opp på pensum og teori i litteratur, før eg skal ha munnleg eksamen om lyrikk og essay.

Då eg var ferdig med eksamen, synst eg at eg hadde vore så flink at eg måtte belønne meg sjølv med ein cd og to. Valet fall på Junior Boys - Last Exit (til seksti små kroner) og Jonathan Richman - Action Packed. Eg har ikkje fått høyrd på Junior Boys enno, men Jonathan viser seg å vere ein av dei betre menn i mi platesamling. Bra fyr. For øvrig har eg høyrd masse masse på Picaresque dei siste vekene. Veldig bra album, ja. Bagman's Gambit er storslagen.

Eg må sjå å få tak i billett til Øya. Eg kan ikkje gå glipp av Sonic Youth når dei faktisk er i landet. Det kan eg berre ikkje. Også må eg få søkt på eit par sommarjobber til. Eg trur det trengs. For øvrig, om nokon kjenner nokon i Stavanger-området (eller Bergen, forsåvidt) som treng sommarvikar eller liknande, så er det berre å rope ut.

No dei første par dagane ventar eg spent på svar frå Skrivekunstakademiet. Om det ikkje kjem noko i løpet av den neste veka eller sånn, så kan eg nok rekne med at eg ikkje kom inn. No er det berre å vente og sjå. For øvrig er det eit intervju med godaste Øyvind Rimbereid i dagens Dagbladet. Eg kan trygt anbefale alle å lese båe det og hans siste diktsamling, Solaris Korrigert. Det eg har lest/høyrd frå den er rett ut fantastisk.

i'm cold as a new razor blade

2005-05-17T23:05:00.000+02:00

I morgon har eg eksamen i ENG101. Litt skremmande, blant anna med tanke på at eg har såpass lite nerver at eg var ute meir enn eg har vore ute på ganske lenge, så seint som i går. Eller, fram til i dag morges, eigentleg. Gøy og flott vorspiel blei til Kvarteret, kor det blei dansa hardt og heftig av ganske mange menneske (meinar eg å hugse), blant anna meg. Det var veldig gøy og sånn, og det måtte eigentleg gå nedoverbakke derifrå. Ikkje bratt, berre litt slakt nedover. Me endte i alle fall opp med nachspiel hos oss, som eigentleg var heilt ok. Om enn ikkje fullt så ok for dei tre som låg og sov. På den andre handa, som dei seier på engelsk, folk har hatt nachspiel her før, og haldt meg vaken i eit par timar. Så eg har vel eigentleg inga stor skuldkjensle. I alle fall så satt me her til rundt seks, trur eg. Då gav me oss tilbake til byen for å spise hotellfrukost. Men ingen av dei hotella me halvhjerta forsøkte oss på, ville ha noko av oss. Klokka sju smalt det høgt og utriveleg i kanonar, så me gjekk til Ingeborg og Silje og dei for å ta ein blund på sofaen. Det fungerte i grunnen ganske greit. Eg fekk ikkje sett noko tog, men den fascinasjonen mista eg vel for ein del år sidan no. Eg hadde tenkt å spise is, men litt halvkaldt vêr, samt eit stadig aukande behov for mat, gjorde sitt til at det ikkje blei noko av. Det vil seie, eg kjøpte meste ei pakke med sandwich-is. Men den kosta meste førti små og holete sølvmyntar.

Eg skulle då vel skrive noko meir. Men eg hugsar ikkje kva. Det får bli ein annan gong. Til dømes når eg er ferdig med eksamen. Me skal forresten på visning ein eller annan stad i morgon. Hugsar ikkje kor. No skal eg vel sove.

the flies that buzz around where i now be

2005-05-15T16:06:00.000+02:00

Ganske /u'ko:/ (fonologi er gøy) å jobbe på Kvarteret i går. Til tider mykje å gjere, men alt går bra med litt tolmod. Også gjorde eg meg sjølv litt stolt då eg klarte å opne ei flaske kvitvin med korkekork heilt plettfritt. Korkekork er skummelt, spesielt når det ikkje er eg som skal drikke vinen. For øvrig var me ikkje ferdige med rydding og stenging før det var blitt ganske lyst ute. Nachspielet blei ein kort affære for vår del. Me henta vår gratis jobb-øl, og gjekk heim etter den. Eg trur eg var heime rundt halv seks.

I dag skal me på visning ein eller anna stad. Eg veit ikkje heilt kor, men reknar med at Magnus har kontrollen. Elles merkar eg at Can er ganske artig. Halleluhwah! Staseleg.

spring-time is war-time

2005-05-14T22:46:00.000+02:00

Ja, så måtte eg nå ta denne her til slutt, då.

1. Ta den boken som ligger nærmest deg, slå opp på side 18 og finn den fjerde linjen. Hva står det? Det ligg ingen bøker akkurat her, men det ligg ein del avisar. Morgenbladet er den som ligg nærast. Der står det: "imidlertid mer penger per innbygger på". Keisamt. Men hei, der fann eg den gamle læreboka mi frå ex.phil, som heiter Språk, logikk og argumentasjonsteori. Der står det: "hva vi senere vil kalle en "talehandling" med (se punkt 14)."
2: Strekk ut venstrearmen så langt du kan. Hva berører du først? Luft. Hadde armen min vore litt lengre, hadde eg tatt i sofakroken.
3: Hva var det siste du så på TV? Solveig Kloppen som jubla for ein pris.
4: Uten å kikke, hvor mye tror du klokka er? Hmm. Sju minutt på elleve.
5: Nå kan du se. Hvor mye ER klokka? 22:55. Hadde eg ikkje vore så teit at eg måtte seie sju istadenfor det som slo meg først, så hadde eg treft på minuttet. Bortsett frå at PC-klokka er for rask. Den er eigentleg åtte på.
6: Bortsett fra PC-en din, hva kan du høre akkurat nå? Sonic Youth - Dude Ranch Nurse.
7: Når gikk du sist ut av huset? Hva gjorde du? Totida i dag, for å handle. No trudde eg først eg skreiv "hangle". Men det gjorde eg ikkje. Det ville då og vore teit om eg hadde gjort det. Eg hanglar ikkje så mykje.
8: Hva så du på før du kom til denne websiden? Eh. Dikt.no, trur eg. Eg hadde ikkje fått nye kommentarar. Så prøvde eg å skrive ein spontantekst, men eg kom aldri heilt i gang.
9: Hva har du på deg? Overstadig holete dongeribukse, t-skjorte frå neighbourhoodies.com, og jakke frå modestmouse.com. Og bokser. Heilt underst.
10: Drømte du i natt? Ja, det gjorde eg. Definitivt. Men kva? Eh. Det var noko veldig realistisk, hugsar eg.
11: Når lo du sist? Då eg såg Solveig Kloppen juble vilt for ein pris. Ho er litt festlig, på sitt eige vis.
12: Hva henger på veggen(e) i det rommet du befinner deg i? Eitt eller anna bilete av Dali. Kopiar i dobbel størrelse av albumcover til Neon Golden, Turn On The Bright Lights, Tallahassee, In The Aeroplane Over The Sea, Blonde On Blonde, Yankee Hotel Foxtrot, Definitely Maybe, Nevermind og Oh Inverted World. Eg vil gjerne nemne at eg ikkje står ansvarleg for alle.
13: Sett noe snålt i det siste? Nja. Ikkje som eg kan kome på.
14: Hva synes du om disse spørsmålene? Dei er ikkje heilt standard-survey type spørsmål. Det er jo fint.
15: Hvilken film så du sist? Ach. Kva kan det ha vore? Eg har ikkje sett film på lenge. Eg veit faktisk ikkje.
16: Hva ville du kjøpt først dersom du ble mangemillionær over natten? Eit husvere kor eg hadde plass til alle venene mine på ein gong. Med overnattingsplass. Opptil fleire.
17: Fortell meg noe om deg selv som jeg ikke vet. Den høgre øyreflippen min er/ser ut som om den er sydd fast til hovudet mitt. Forresten, det veit bror min allereie, så det tel kanskje ikkje? Mjo, eg kan vel seie at eg gler meg til å flytte herifrå.
18: Hvis du kunne endre én ting i verden, uavhengig av politikk eller skyld, hva ville det vært? Det er jo ein umogleg vurdering. Eg kan velje mellom alt. Alt er altfor mykje. Kierkegaard og sånn. Angst. For mange moglegheiter. Nei.
19: Liker du å danse? Ja, på Hulen. Når dei spelar Disco 2000 især.
20: Driver George Bush virkelig på med Dick Cheney? Eh. Heh?
21: Hvis ditt første barn blir ei jente, hva skal hun hete? Artig, fordi Silje drøymde her for ei veke sidan eller sånn, at eg hadde fått ei datter. Eg måtte alltid hente ho i barnehagen eller noko slikt, så eg kunne aldri vere med Silje lengre. Ho kom fram til, etter litt om og men, at ho visst heitte Thea. Eg tykkjer Thea er eit fint namn, så det kan godt bli det.
22: Kunne du tenke deg å bo i utlandet? Åja. Montreal om nokre år. Det blir så bra så.

No må eg meste gå, trur eg.

don't lose yourself

2005-05-14T19:28:00.000+02:00

I går drakk eg Hoegaarden. Hoegaarden var godt. Eg trudde ikkje at eg kunne bli særleg glad i eit øl som har ein honningaktig smak. Men så kan eg visst det likevel. Berre synd det er så dyrt. Eller, så frykteleg dyrt er det vel kanskje ikkje med 39kr for 0,33l, men det er mykje dyrare enn Hansa. Også møtte eg på ein kar som eg gjekk på ungomsskulen med, og han var jo sanneleg ein triveleg kar. Trass i at han jobbar i Forsvaret, vil eg seie, men så er det eigentleg litt teit å seie. Eg seier det jo likevel.

I kveld skal eg jobbe siste skift på Kvarteret. Det blir sikkert gøy. Men slit. Det er så keisamt å stenge. Det er i det heile tatt keisamt å drive med ting som har med rydding å gjere. Men så blir det nachspiel. Og og og. Kven veit. Det blir nok gøy.

I dag er det nøyaktig eitt år sidan siste dagen på folkehøgskulen. At tida går fort er så klisjé at det berre må nemnast. Det er omtrent hundre år sidan eg og Runa fylletelefonerte. Men i går kveld avtala me å ta opp att denne fine tradisjonen som me laga oss for rundt eitt år sidan, når me er ute natt til tysdag.

I dag er og dagen då alle avsnitta mine byrjar med presisering av tid. Kor keisamt er vel ikkje det? Det hender at eg les ting som truar med å ta fra meg alt mot i forhold til skriving. Uoppnåeleg, tenkjer eg. Pennen ligg tryggare på hylla enn i handa. Men så er det jo berre vas. For på hylla gjer pennen ingen forskjell. Men akkurat no kan eg ikkje skrive. Eg er i eit limbo fram til eg veit om eg kjem til å gå på Skrivekunstakademiet til hausten. Og det er så sjølvmotsigande at det og berre må nemnast. Øyvind Rimbereid og Tormod Haugland eig meg fram til eg veit om dei har tenkt å fortsette med det. Men det er og berre vas, for eg tenkjer ikkje så mykje på det. Det skjer så mykje anna, og når eg har hatt engelskeksamen den attande mai har eg hatt eksamen på to av dei verste datoane det går an å ha eksamen på. Den andre er fjerde juni, og då eg hadde praktisk eksamen i media frå tredje til femte juni, blei eg nitten år på den dagen i midten. Dagen etter fekk eg servert ein toar, og det var i det heile inga stor oppleving å bli nitten. Til og med tjueto trur eg blir betre, sjølv om tjueein ikkje var allverda. Eller, eg hugsar ikkje dagen då eg blei tjueein, trass i at det er mindre enn eitt år sidan. Og det er i grunnen litt rart, med tanke på at eg hugsar ein usortert haug med dagar før den dagen. Men eg har konkludert med at å bli tjueein ikkje var minneverdig, og det kan umogleg vere feil i og med at eg ikkje hugsar det. Om tjueto blir betre, hugsar eg det kanskje om eitt år. Men sola er borte i dag, og det er som om noko forsvann med den, utan at eg veit kva. Kva?

in my ten-floor tenement where once our bodies lay

2005-05-13T14:49:00.000+02:00

Eg hadde ikkje tenkt meg ut i går. Men så blei eg invitert på øl i parken, og då gjekk det i grunnen slag i slag til eg var heime i tre-firetida. Som ei følgje av dette har eg gjort svært lite konstruktivt på lesesalen i dag. Men eg klarte å kome meg opp rundt halv ti, trass i at eg hadde mest lyst til å oppløyse meg sjølv då eg vakna. Vann var godt å ha.

Me var innom Inside Rock Café til slutt i går. Det verkar som ein blodharry stad, men dei spelte Search and Destroy då me kom inn, og då blei inntrykket mitt av staden momentant mykje betre. Men det blir nok likevel ikkje veldig mange besøk dit.

No var det plutseleg på tide å saumfare hybel.no. Nokre interessante stader er funne. Det er visningstid snart, trur eg. Vonar me finn noko ganske fort, eigentleg. det hadde vore fint å få avklart kor eg skal bu til hausten.

they'll never catch me now

2005-05-10T13:48:00.000+02:00

Eg trur veldig få materielle ting har gitt meg så stor umiddelbar glede som den jakka eg fann i postkassa i går. Den er rett ut fantastisk fin. Om dykk er veldig uheldige, så tek eg kanskje eit bilete eller to. Men det gløymer eg sikkert likevel.

På laurdag var eg i 90-årsdag i Sauda. Farmor har blitt vaksen. 90 år er verkeleg mykje meir enn du (eller eg, då) klarer å førestille meg. Eg tykkjer eg har levd ei stund no når eg er snart 22. 90 er enno meste 70 år til. Det skal eg tenkje på neste gong eg kjenner meg gammal.
Elles var det rett så triveleg å treffe diverse tanter, onklar og syskjenbarn. Med tanke på at fleire av dei faktisk bur her i Bergen, burde me jo kunne treffast oftare. Men av ein eller annan grunn så skjer ikkje det. No vel.

Og no må eg tilbake til lesesalen, og lese på engelsk fonologi.

all that you want to be

2005-05-04T14:47:00.000+02:00

Pausetid for Hr. Godot. Eg er meste ferdig no. Det er visstnok slik at ei av dei to oppgåvene me leverer inn skal få karakter. Eg veit ikkje korleis dei bestemmer kva for ein, men eg vonar at det blir denne og ikkje Studenten. Sistnemnde blir nok litt halvgjort. I alle fall. Denne er, som sist, stolen frå ErikAH.

Siste låt lasta ned fra nett: Om eg reknar med Soulseek, så er det The Sweeping Wind av Jonathan Richman. Utanom Soulseek trur eg det må vere den siste Captain Democracy-låta Morten la ut.
Favoritt TV-program: 24 er ein stor favoritt. Typisk norsk er og veldig bra, men eg får jo aldri sett det, fordi dei andre absolutt skal se Fagerstrand.
Så mye penger bruker jeg i måneden: Det eg har.
Sist forelsket: Hmm. Tja. Kanskje ein gong i vår, men kanskje ikkje.
Meg om fem år: Etablert forfattar som likevel klarer å halde seg sånn nokolunde unna rampelyset.
Drømmer om å kline med: Vanskeleg. Det er jo så mange å velgje i. Ho mørke i Sugababes er jo snasen.
Mine beste og dårligste sider: Eg har ikkje så mykje sjølvinnsikt.
Min største helt: Trond Viggo er helt. Kanskje den største.
Årets Idol-favoritt: Eg likte Eva best, men ho er jo ute. Kanskje Erik? Jo, det må nok bli Erik.
Intervjuet fant sted: På mitt eige soverom, akkurat no med Mercury Rev på øyret.

1. Hva gjorde du i går? Sov for lenge. Spiste frukost. Spilte litt tv-spill-fotball med Erik (tapte med Italia mot Frankrike, vann med Brasil mot Argentina). Skreiv litt på Godot-oppgåva. Dro på "Våre små hemmeligheter"-samling. Dro på Finnegan's. Dro heim. Satt oppe for lenge. Sov.
2. Hvem er vennene dine? Meste alle som vil, om dei berre viser det.
3. Hvor pleier dere å være? Oftare og oftare blir det Kvarteret. I alle fall på dagtid. Eg prøver å dra på Hulen så ofte eg kan i helgene, men det er ikkje alltid det lar seg gjere.
4. Kjenner du noen på den andre siden av byen? Tja. Eg kjenner då folk på båe sider av byen. Nordnes ligg liksom litt midt inn der.
5. Hva gjorde du i fjor sommer? Var i Oslo, på Roskilde, i Bergen og heime i Stavanger.
6. Hvis bestevennen din forteller at han/hun er homofil, hva sier du da? Sannelig om eg veit kva eg hadde sagt, men det hadde i alle fall ikkje vore eit problem i det heile teke.
7. Når er det vanlig at ungdommer du kjenner har sex for første gang? Første uka på folehøgskulen spilte med eit spill der eit av spørsmåla var i den retninga. Eg trur me havna på frå under 16 til over 18. Det vanlege, vil eg tru.
8. Hvilket yrke ønsker du deg? Forfattar. Oversetjar? Kanskje.
9. Hvem bor du sammen med? Jonas, Peder og Erik.
10. Har du kjæreste? Nehehei. Jentelus.
11. Hva er det beste med skolen? Papirfly var lenge ein favoritt.
12. Det verste med skolen? Åh, mange ting, meiner eg å hugse.
13. Det beste med å vokse opp i Oslo? Dårlig med førstehandsinformasjon der.
14. Det verste med å vokse opp i Oslo? jaja og cetera.
15. Hvor ofte surfer du på nett? Så godt som kvar dag. I alle fall når me har internett i heimen.
16. Hvor er du når du surfer? Spørsmålet forsvann for meg, men eg trur eg klarte å hugse det sånn nokolunde. Og då er eg anten heime eller på skulen.
17. Hva vil du at Dagbladet skal skrive mer om? Det har eg inga formeining om.
18. Har du blitt tilbudt dop? For så vidt.
19. Kjenner du noen som bruker dop flere ganger i måneden? Det gjer eg vel og. Trur eg.
20. Bruker flere av vennene dine prevensjon? Eg vil jo tru det. Ingen av dei er gravide enno, i alle fall.
21. Vet du om noen som stjeler i butikker? Ikkje som eg veit om. (Så kjedelege svar eg hadde i dag, då.)
22. Vet du om noen som går med kniv eller andre våpen? Det kan eg då aldri tenkje meg.
23. Tror du mange ungdommer blir utsatt for sexpress? Tror og tror. Ja, jo. Det er ikkje ein sak eg tenkjer så mykje på.
24. Vet du om noen ungdommer som har blitt utsatt for vold? Kanskje, men i så fall snakkar dei lite om det.
25. Vet du om noen ungdommer som har blitt utsatt for rasisme? Mogleg. Eller, ganske sikkert, vil eg tru.

such a beautiful day

2005-05-04T01:39:00.000+02:00

Kvifor har ingen fortalt meg at Jonathan Richman er ein fantastisk mann som lagar fantastisk musikk? Jaja, eg burde kanskje vite det allereie. Men det gjorde eg då ikkje. No må eg sjå å få kjøpt noko av han.

Den vanlege "Våre små hemmeligheter"-samlinga hos Eivor og Tone i dag. Det var triveleg og fint, som det alltid er. Det var visst ein veldig engasjerande episode, i alle fall blei Silje engasjert. No vel. Etterpå gjekk me på Finnegan's, fordi eg kan aldri lære at eg ikkje bør gå ut når eg ikkje har penger til det. Men Finnegan's er litt greie sånn sett. Dei er nemleg offline, og difor har eg tid til å ta ut det lille eg har på konto før dei trekk det dei skal ha. Så det blei ein Guinness. Det gjer ofte det på Finnegan's. No hadde det forresten vore fint om nokon kunne fortelje meg at dei er litt imponerte over at éin Guinness ikkje blei to og tre Guinness. Eg er i alle fall litt imponert over at eg ikkje blei med dei andre på Garage etterpå.

Eg byrjar å kjenne presset på å bli ferdig med dei to analyse-oppgåvene mine no. Waiting for Godot nærmar seg stadig, litt etter litt. Studenten har eg ikkje gjort noko meir med. Men i morgon skal eg og Magnus ta ein kollektiv kikk på det heile, for å prøve å gjere kvarandre litt klokare. Det kan vere lurt, trur eg. Fristen er nifst nære no.

I går jobba eg på Kvarteret. Ein skulle ikkje tru at det å jobbe siste skift på ein mondag skulle vere mykje jobb. Men når me berre er to på jobb så blir det fort ein hard økt berre å stenge. To timar etter at me stengte baren, var me ferdige med alt. Tru om ikkje ein viss Magnus eigentleg skulle ha jobba. Humhum.

gold teeth and the curse for this town

2005-04-28T21:36:00.000+02:00

Denne kopierte eg frå Erik.

Skriv navnet ditt: Bjarte
Kallenavn: Eg trur ikkje eg har noko særleg med kallenamn. I alle fall no som Ingela ikkje er her til å kalle meg alt mogleg rart. Rett nok har Hanne kalla meg ektemannen hennar i det siste, men det går vel eigentleg ikkje under kallenamn.
Antall lys på siste bursdagskake: Trur ikkje det var noko lys på den. Eller, kanskje? I så fall var det 21.
Dagen du blåser ut lysene på bursdagskaka: Ideelt sett 4. juni.
Kjæledyr: Eg hadde ein kanin. Den døydde for sju-åtte år sidan, trur eg.
Øyenfarge: Blå.
Fødested: Stavanger. På sjukehuset som ligg rett over gata for huset der eg budde heilt til eg flytta til Bergen.
Byen/stedet du regner som "hjemme": Det er vel eigentleg Stavanger. Men i stadig mindre grad.
Skolen du går på: Universitetet i Bergen. Om eg er heldig (eller om har vore flink, skal det kanskje vere) blir det Skrivekunstakademiet til hausten, i eitt år.
Nåværende bosted: Nordnes.
Vært i Amerika?: Neh.
Vært så forelska at det fikk deg til å gråte?: Det trur eg faktisk ikkje.
Vært i bilulykke: Eg sov. Altså, ja.
Is eller kaffe: Kaffe. Alltid, alltid kaffe. No til og med gratis.
Sutteklut eller kosedyr: Heh. Her om dagen påstod eg at ein fyr skriv som ein jævla sutteklut. Eg trur det må bli kosedyr.
Fem ord som beskriver deg: Helst ikkje.
Farge på sokkene: Stort sett svart. I det siste har eg innsett kor keisamt det er, så no har eg byrja kjøpe meir interessante sokkar.
Favorittfilm: Eg trur eg må seie Leon, av Luc Besson. I alle fall akkurat nå.
Favorittgruppe: Ach. Det tradisjonelle svaret har alltid vore Radiohead. Det siste året har eg nok høyrd mest på Modest Mouse. Men eg trur ikkje eg heilt kan bestemme meg for dette.
Favoritthøytid: Om våren var ei høytid. Elles likar eg jula godt.
Favorittsang for tiden: Sudden Infant Dance Syndrome - Baseball Geist. Trur eg. For ikkje lenge sidavar det Doin' The Cockroach. Tøfftøff!
Favorittukedag(er): Tja. Eg kjenner meg litt diplomatisk, og ser eigentleg alle dagar som potensielle favorittdagar.
Favorittblomster: Eh. Morfar er visstnok utdanna gartner. Eller, eg veit ikkje om han er utdanna, men han har visst vore gartner, i alle fall. Nei, eg veit ikkje.
Favorittdrikk: Øl/Kaffe/Vann. Det kjem an på.
Favorittfotballaget: Viking og Blackburn. Utan at eg blir veldig deppa om det ikkje går vegen med dei. Medgangssupporter, ja.

then we lie beneath the shady tree

2005-04-28T20:56:00.000+02:00

Dette har vore ei fin veke, i alle fall sånn reint vêrmessig. No som eg får gratis kaffe på Kvarteret, er eg der stort sett kvar dag etter eg har vore på skulen. Og kvar dag er det nokon eg kjenner der. Også sit me ute i sola. Det er ein fin ting. Og i morgon er det Kvarteret-fest. Det trur eg fort kan bli bra.

I går spelte eg sjakk, for første gong på veldig, veldig lenge. Så var det jo eigentleg ganske gøy, fann eg ut. Det kan fort bli meir sjakk. Men eg har fortsatt ikkje vunne. Det kjem nok. I dag spelte eg Backgammon med Margrete, og vann to gonger. Tapte kanskje... fire, fem? Eg er nok ikkje så god i desse spela.

Elles har eg fått The Decemberists - Picaresque og Edan - Beauty and the Beat i postkassa. Decemberists er bra, som forventa. Edan er kanskje betre enn forventa. Den er i alle høve bra. Eg er godt nøgd med begge to. Og antageleg er Beauty and the Beat det beste hiphop-albumet eg har. Eg har ikkje mange, men dog. No ventar eg berre på MM-jakka. Og ein Bonnie Prince Billy-plate og t-skjorte som har vore på veg i fleire månader. Det er på tide å dukke opp no, altså.

Neste fredag har eg innleveringsfrist på to oppgåver i ALLV101. Ein analyse av Waiting for Godot (som for øvrig blir satt opp av studentteateret Immaturus neste veke) og ein analyse av Studenten, av Anton Tsjekhov. Og når eg har levert dei, ber det rett i 90-årsdag til farmor. Hmm, det skjer eigentleg litt for mykje i mai. Apropos, på onsdag er det konsert med Shane MacGowan & The Popes, som eg kanskje kjem meg på trass i mangel på råd til billett. Thank you, Therese (fiffig referanse til Thorn, eller?)!

if i could settle down

2005-04-20T18:49:00.000+02:00

Stopp nynorskforbodet i Dagbladet og VG!

i was dressed for success

2005-04-18T00:31:00.000+02:00

Artig helg. På fredag var eg først hos Anne Cath og dei, og spiste veldig god mat. Greske kjøttbollar. Nam. Så bar det til Hektors, kor det vanka øl og mykje moro. Litt nedtur blei det då med dro til Hulen, kor dei hadde leigd inn ein DJ som ikkje heilt passa inn der. Og eg brukte altfor mykje penger.

I går var det sommerfest, og no er våren her for alvor. Ein liten mengde med fine folk som eg ikkje har sett på ei stund var på festen, og det var rett så triveleg. Steffen og meg diskuterte vidare ideen vår om å lage ringar av ølkorkar. Julie blei hyra som produksjonssjef, i og med at verken eg eller Steffen klarer å lage desse ringane. Dessutan gav han meg tilbod om å bo gratis hos han under Quarten, om eg har tenkt meg ned. Hyggeleg kar. Eg må meste vurdere det.

Elles hadde me ein artig leik som for ein gongs skuld ikkje gjekk ut på å drikke mest mogleg. Også blei eg liksom-antasta av Eivor og Hanne. Trur eg. At det var på liksom, altså. Eg er dog ikkje heilt sikker, i og med at eg på eit eller anna mystisk vis blei forlova med Hanne seinare på kvelden, på Kvarteret. Eg fekk ikkje heilt med meg korleis det gjekk for seg, men eg måtte i alle fall sjå å få tak i ein ring til ho. Det får bli ein ølring i så fall.

I dag tok me den to minutter lange turen til Nordnesparken, og det var varmt og fint og koseleg. Våren er den beste årstida. Sett vekk frå eksamen. No har eg forresten funne ut kvifor eg har rota sånn med eksamensdatoane mine. Det viser seg at fristen for innlevering av analyseoppgåvene i ALLV101 er 6.mai, mens eg trudde det var datoen for munnleg eksamen, som ikkje er før 24. eller 25. eller rundt der. I morgon trur eg at eg skal gjere skulearbeid i Nordnesparken. Det skal bli endå varmare. Vår gjer meg glad. Vår er fint.

come down on the street and dance with me

2005-04-15T19:01:00.000+02:00

I går jobba eg på Kvarteret for første gong. Det var eigentleg ganske likt som å jobbe på Folken, og folka eg jobber med verkar å vere greie, snille og pene menneske. Etterpå var eg på nachspiel til sekstida. Triveleg var det.

Og det var vel alt eg hadde seie akkurat no. Eg lurer på om eg skal sitte heime å sjå South Park-filmen, eller om eg skal ut med trivelege folk. Studielånet er meste vekke allereie. Hmm. Også har eg bestilt verdas tøffaste klesplagg, jf. lenke litt lengre ned på sida. Eg gler meg.

just to be the man who walks a thousand miles to fall down at your door

2005-04-13T01:10:00.000+02:00

Magnus har vore flittig og laga ei fantastisk fin t-skjorte til South Park-Bjarte. Eg har fortsatt lyst på ei "yarr"-skjorte, men denne her er veldig fin. Glose til Magnus.

Elles har banken på uforklarleg vis auka innhaldet på kontoen min, frå 39kr natt til i dag, til 439 i dag. Eg skjønar lite, men tek imot med glede. Spørsmålet er kor tid dei finn ut av det, og krev dei attende. Men den tid, den sorg.
I dag tok me ein liten tur ut på ein Guinness og to, saman med læraren vår frå folkehøgskulen i fjor. Klassen hans i år er visst ikkje like medgjerlige som oss. Mheh. Eller, han sa vel helst at dei er noko vimsete, og at det fører til ein del problemer som han gjerne skulle ha vore forutan.

No er eg så godt som ferdig med undervisinga dette semesteret. Tysdagar har eg heilt fri, ein time med seminar onsdag, to timar med forelesing torsdag og ein time fredag. No bør eg bruke all denne "fritida" til å skrive oppgåve og lese. Eg trur målet mitt må vere å gjere noko skulearbeid kvar dag. Det burde vere mogleg å få til.

the way the story goes

2005-04-12T00:09:00.000+02:00

No har eg prøvd å oppgradere bloggen min litt, i hovudsak gjennom å legge lenker til dei bloggane eg les. Eg får det ikkje til heilt som eg vil, men det funker no i alle fall.

and i know we too are made of all the things we have lost

2005-04-11T19:16:00.000+02:00

Det er skremmande kor mykje dette faktisk likner på meg. (No i modifisert utgåve. Ei slik t-skjorte har eg lyst på.)

i need a cold one now

2005-04-11T14:03:00.000+02:00

Fin konsert med Herman Düne i går, og no har eg på meg ei fin, kvit t-skjorte som blei min for usle 100kr. Dama som båe varma opp og var med bandet på slutten av konserten fekk eg ikkje med meg namnet på, men ho sang veldig fint. Dessutan var live-versjonen av They go to the woods veldig tilfredsstillande. No må eg kjøpe fleire album.

Allereie før lånet har kome inn på konto, ser eg det forsvinne i horisonten. Meste 1000kr til nettleie, 200-300 til MM-genser, 3350 til husleie. Då er det ikkje mykje som står igjen. Eg får vel overleve på luft og... luft, som vanleg. Det blir ofte slik, all den tid eg ikkje akkurat er den ivrigaste jobbsøkjaren. Men no må eg sjå å få kontakta nokre barneskoler i Stavanger, om det kan vere mogleg å få sommarjobb i SFO. Det hadde vore stas, ser eg for meg. Spesielt om eg kunne fått Roskilde-veka fri.

i can't hear you talking about your dreams

2005-04-08T18:14:00.000+02:00

Verdas tøffaste/finaste/fjongaste/mest fantastiske klesplagg? Sjølvsagt! Når eg får inn studielånet...

i'd like to know completely

2005-04-08T12:21:00.000+02:00

Blogger trøbler mykje akkurat no, så om du ser to meste like postar, så er det difor. Og det var eigentleg alt eg hadde å seie.

Forresten, ein ting. Eg høyrde det som visstnok kan vere ei ny Radiohead-låt, Arpeggi. Det var mykje fine lyder på den. Eg er ikkje heilt sikker på kva eg tykkjer om den, så eg avventar.

my baby in a coffin

2005-04-08T00:50:00.000+02:00

Onsdag var eg på sleppfest for litteraturstudentanes eige blad, Prosopopeia. Høgtlesing av Endre Ruset, Olaug Nilssen og Øyving Rimbereid. Gode var dei alle saman, men eg må verkeleg anbefale alle og einkvar å ta ein kikk på Rimbereid si siste utgjeving, Solaris Korrigert. Den er fjong som få. For øvrig er Endre Ruset på same kollokviegruppe som meg. Flink kar. Men Øyvind Rimbereid, altså. Verdt å merke seg.

Elles har me nok ein gong, på uforklarleg vis, fått trådlaust internett hos oss. Kor lenge det varer denne gong er uvisst. Men det er nokså ustabilt, og eg klarer ikkje å finne noko betre enn lav signalstyrke. Gøy er det i alle fall, enn så lenge.

Åh. I'm Gonna Be (500 miles) med The Proclaimers er ei kjempelåt. Aksenten er fantastisk.

a fake jamaican

2005-04-07T16:01:00.000+02:00

No som det er kjent at Sonic Youth kjem til Roskilde, ser det ikkje ut til at eg har noko anna val enn å be min kjære onkel om jobb på Rema1000-lager. Men kva gjer ein ikkje for sine favorittband?

Elles er det meste sol i dag. Våren er på veg tilbake, trur eg. Reknar med at me har vetorett mot meir snø. Det er trass i alt eit velferdssamfunn me lev i her.
I dag hadde me siste forelesing i litteratur. No er det opp til meg sjølv. Eigentlig ikkje så skremmande. Eg trur det skal gå greit. I alle fall til slutt.

No må eg ut i sola.

talking about tv please shut up

2005-04-05T13:42:00.000+02:00

For dei med Livejournal som vil gje meg lov til å lese LJ-en deira (Magnus?), så har eg nyleg klart å skaffe meg happydeathsuite som LJ-namn. Eg har ikkje planer om å skrive noko der, men så kan eg i alle fall følgje med på kva andre skriv der.

For øvrig er Doin' The Cockroach tøffare enn det japanske og franske lyntoget oppå kvarandre.

believe in neither but fear them as well

2005-04-05T12:26:00.000+02:00

Hei og hopp og plutseleg fann eg ut at Herman Düne spiller her i byen på søndag. Så kom eg på at det er lenge sidan eg har skrive noko her. No er det vel i så måte på tide. Såh.

Den essayanalysen eg trudde eg skulle levere sist torsdag, skulle (skal, faktisk) eg ikkje levere før no på torsdag. Det fann eg ut då (det eg trudde var) fristen gjekk ut sist torsdag, klokka fjortenhundre, då eg stod leveringsklar med eit knapt halvgjort utkast. Då hadde eg sete til tre natta før og lest Michel de Montaignes Om Bøker, og stått opp åtte for å skrive ein forsøksvis analyse. Og altså blitt noko rundt halvferdig. Men det var eigentleg heilt greit, fordi eg endeleg hadde grunn til å føle meg flink og produktiv. Og no får eg levert eit betre, meir ferdigskrive, utkast. Om bøker er dessutan eit nokså underhaldande essay, tykkjer eg. Eg mistenkjer Montaigne for å ha vore ein artig kar.

Sidan 24 har byrja med ein ny sesong på TV2, er nok stova vår full kvar måndag framover. Dei første tre episodane lover bra. Andre ting som lover bra er trailerane til det nye Zelda-spelet som kjem til hausten.

I går sat eg og kikka på skriveting som eg heldt mykje på med ei stund, men som eg har teke ein pause frå i det siste. Heldigvis oppdaga eg at det såg betre ut enn eg kunne hugse, så kanskje fortset eg med det no. Eller, eg byrja vel å fortsette allereie i går. Vonar eg kan klare å drive på vidare. Forresten, dei aller mest innbitte lesarane (tellar-saken nærmar seg 3000, noko som er ganske utruleg, spør du meg) kan moglegvis hugse at ein hobbyregissør frå Stavanger ville lage film av ein tekst eg har skrive. Om dykk skulle ha lyst til å lese teksten, så kan dykk gjere det her. (Legg merke til kor god er til å lage lenker i dag. Elles er eg nær sagt analfabet når det gjeld html-ting.) Den særs sympatiske (alle som vil lage film av noko eg har skrive er sympatiske) karen har sendt meg manus, og det såg lovande ut. Morogøy.

and a paper plate of course

2005-03-25T22:27:00.000+01:00

Akkurat no trur eg at eg er supermann og kan klare alt. Dette er berre fordi eg klarte å fikse lyden på pc'en til foreldra mine. Det mangla ein driver, og på utruleg vis klarte eg å ikkje berre finne ut av kva som var problemet, men og laste ned rett driver og i tillegg installere den. Og no virker lyden så godt som aldri før. Eller i alle fall så godt som før.

Dessutan, då eg byrja så smått på å rydde i kjellaren i går, fann eg bror min sin gode, gamle Nintendo64, med eit Zelda-spel som eg ikkje har spelt på lenge. No er eg i gang igjen. Og det er gøy. Og som om ikkje det var nok, så kom det for nokre få veker sidan ein ny trailer til det nye Zelda-spelet som kjem i haust/vinter ein gong. Eg gler meg som den ungen eg nok enno er.

reminding me we used to be three and not two

2005-03-23T14:36:00.000+01:00

No er eg heime, og småsjuk. Senga eg har her er ikkje den beste. Men me har fått fint bad sidan sist eg var her. Fliser og varmekabler og spotlights og alt som er fint. Det er ikkje dumt.

Hopalong Knut spelte ein bra konsert på fredag. Eg kjøpte fin t-skjorte, og det var eigentleg ganske gøy. På laurdag såg eg Leon, som var ein veldig bra film, og i går såg eg Bowling for Columbine, som i alle fall var interessant. Eg er på sett og vis litt seint ute med å sjå den, men trass i alt er det jo betre seint enn aldri.

Også er det ikkje så mykje meir å fortelje. Eg skal levere utkast på essayanalyse neste torsdag. Eg trur eg skal samanlikne eit essay av Garborg og eit av Holberg. Essay er ganske underhaldande lesing, så det kan bli spennande. Problemet er at eg er litt på bærtur angåande korleis eg skal gå fram. Men det ordnar seg alltid.

time may change me but i can't trace time

2005-03-18T16:53:00.000+01:00

I går feira me St. Patrick's Day. Mykje liv på Finnegans. Gøy med Guinness. Ikkje så gøy for andre, som til dømes avslutta kvelden med whiskey, etter mange glass Kilkenny. Det var visst ikkje så lurt, høyrde eg. Eg trur heldigvis eg har lært leksa mi når det gjeld whiskey. I alle fall, det var gøy. Eg saknar Irland, ja.

Eg held på lese Thomas Pynchon si bok, Katalognr. 49. Eg er veldig overtydd om at Pynchon er, eller kjem til å bli, ein av mine favorittforfattarar. Eg gler meg til å byrje på Gravity's Rainbow etterpå, sjølv om den er diger. Eg er litt redd for tjukke bøker, fordi eg ikkje les spesielt fort. Det tok meg to forsøk i løpet av eit år å lese ut Catch-22, enno så god eg tykkjer den er.

Eg la merke til i går, då eg kjøpte påskemarsipan, at den smakar nokså forskjellig frå julemarsipan. Det er litt fascinerande. Eg lurer på kva dei gjer annleis. Eller om det berre er mentalt. Også gler eg meg til påskeegg. Eg gler meg ikkje så mykje til kjenslen av å ha ete altfor mykje marsipansjokolade på altfor kort tid, men det heng liksom med. Det er ikkje til å kome utanom. Tradisjon er tradisjon, slik er det.

Hopalong Knut i kveld. Bør bli bra. Elles er det litt kjedelig her, då dei fleste har reist heim til påske. Men det er no et par av oss att enno. No kjenner eg at Rimi-pizzaen venter på meg heime.

cue every memory at half speed

2005-03-07T15:48:00.000+01:00

Det er alltid greit å få foreldre på besøk når ein har dårleg økonomi. På laurdag fekk eg hamstre mat på deira rekning, og det gjorde godt for eit tomt kjøleskap. Også åt me på Peppes, og der spelte dei Elliott Smith. Då blei eg litt glad.

No trur eg våren er på veg. I dag er det godt og mildt, snøen er i ferd med å smelte og det er litt sol innimellom.

glows in the dark

2005-03-02T16:25:00.000+01:00

Eg går rundt og er litt snødeppa. No var det jo så fint, sol og gode ting. Så kom det plutseleg snø natt til måndag. Ach. Vekk med seg!

På søndag var det endå sol og fint, så eg og Margrete drakk kaffe og mata duene ved Lungegårdsvatnet. Fuglar gjer mykje rart, som til høves å plutseleg lette, heile flokkar, og berre fly i ring over vatnet, før dei etter ei stund landar att. Me blei litt fascinert av dei. Er det rulering dei driv med? Kven tek i så fall initiativet til å rulere? Er det dei frekke måkene kanskje? Duer er trivelege, måker er frekke. Dei stel maten som var tiltenkt duene. Me såg for øvrig berre ei and, men den var triveleg nok. Det såg ut som om den lette etter hol i isen, som den kunne drikke frå. Men andre fascinerande skapningar dukka og opp. Som ei litt stakkarsleg dame som visstnok var ramma av revmatisme, diabetes, dårleg syn og trafikkskade. Ho ville selge oss ei diktsamling som ho hadde skrive. Det stod "Eget forlag" på. Me viste stor skepsis, men me var litt empatiske og. Me ville i alle fall vere det. Ein kar med gitar og Teezer-bag kom og forbi og ville ha pengar. Og ein gammal kar med gule negler ville ha røyk. Det var ikkje måte på. Men dei fekk litt båe to. Triveleg dag. Og Legal har god mynteté. Med honning og lime.

På laurdag var me på Hulen. Det var veldig bra, som det ofte er på Hulen. Litt som å kome heim, i alle fall denne gongen. No hadde eg ikkje vore der på tre-fire veker. Det er for lenge utan Hulen. Neste gong skal eg kjøpe medlemskort. Disco 2000 er ein bra låt. På alle måter.

I går leverte eg jobbsøknad hos Norli. Skumle folka. Triveleg belærande tone då dei fortalde meg at dei aldeles ikkje kunne forstyrre dagleg leiar i lunsjen, så eg fekk vær så god levere søknaden til dei i staden for. Heilt greit for meg, eg har då aldri bedt dei forstyrre ho i lunsjen, eg spurde berre om ho var til stades. Men no er i alle fall søknaden levert. Så får me sjå.

No er me i gang med å analysere Waiting for Godot, av Samuel Beckett. Eg er veldig glad i det stykket, spesielt fordi me hadde mykje om det på følgehøgskulen i fjor. I morgon skal me jobbe vidare med det. Også har eg grammatikk-forelesing. Som ikkje er fullt så spennande. Båe grammatikk- og lydlære-seminar i dag var utruleg keisame. Men sånn er det no. Eg lurer på kva eg skal finne på med resten av dagen. I går brukte meg og Erik mykje av dagen på å spele F-Zero GX. Gøy. Kanskje i dag og? Ja, det trur eg.

can't have any other one

2005-02-24T11:48:00.000+01:00

Dette er kjedelig. Her kommer eg me min hendige mp3-spelar-slash-usb-nøkkel og skal skrive ut utkastet mitt på narrativ analyse, også har dei smarte jævlene som laga desse maskinane klart å plassere usb-porten slik at det er umogleg å bruke denne nøkkeltingen min på dei. Det går rett og slett ikkje an å plugge den i. Smart. Så nå må eg skippe forelesinga i engelsk grammatikk om eg skal få levert oppgåva. Antakelig inga krise, med mindre dei skal gjennom noko grammtikk som til forandring er vanskeleg. Men likevel. Kjedelig å vandre att og fram slik.

For øvrig har eg ikkje fått til mp3-spelaren. Kvar gong eg trur eg har lagt inn musikk på den, så står det no files. Ach.

the one that keeps the curtains closed

2005-02-23T12:23:00.000+01:00

Me var på Lillebjørn Nilsen i går, og det var stort sett veldig trivelig. Han hadde fine Willie Nelson-fletter og sang fine songar, og han hadde til og med lagt inn ein pause midt i konserten, noko som fleire burde gjere når dei speler lange konsertar.
Scrabble- og Geni-vorspiel hos Margrete var og fint. Togtut er såvisst eit ord, meinte Margrete. Det er vel det då, sa me.

Elles er det framleis sol i Bergen. Det kan vel ikkje halde mykje lengre no. Det er grenser for kor mange soldagar me kan få utanom sesongen.

I dag må eg skrive første utkast på analyse av Studenten, av Tsjekhov. Det går vel, på eitt vis.

Eg skulle byrje på Katalognr. 49 av Thomas Pynchon i forrige veke, eller var det veka før? Men eg kom aldri lengre enn til side 6 eller sånn. Og nå må eg lese pensum i staden for. Ach. Eg skulle gjerne hatt meir spanande tekster på pensum. Og no skal eg snart ha seminar i engelsk grammatikk, og så amerikansk lydlære. Jubel og glede.

while you make pretty speeches

2005-02-14T20:39:00.000+01:00

Gode ting skjer. I dag har det vore sol og blå himmel i Bergen. Lurevêr, som Erik kalte det, fordi det ser varmt ut men er jævlig kaldt. Men det er ikkje så farlig. Det har vore ein fin dag. Etter kollokvie gjekk meg og Margrete og kjøpte bøker for meste heile stipendet, kjendes det ut som. Så gjekk me og ei venninne av ho, Hermine, ned på Torgallmenningen og drakk Narvesen-kaffe i sola. Det kom ein irsk Amnesty-kar bort til oss, som i grunnen var umåteleg trivelig og sympatisk, og han snakka me med ei stund. Han fekk ikkje noko ut av det sånn i direkte forstand, fordi Margrete er med i Amnesty allereie, mens båe eg og Hermine støttar andre organisasjonar. Men han var no ein kjernekar. Og dessutan irsk. Det trekk opp meste uansett kva slag menneske ein er.

Bylarm var ein fin festival. Det vart ein litt hard båttur opp att, men det gjekk med naud og neppe utan bruk av spypose. Men Sletta var uroleg.
I dag oppdaga eg at eg har lagt igjen husnøklene mine i Stavanger. Det er i grunnen ein dum ting å gjere, men mor mi har allereie sendt dei opp etter meg.

Til helga speler Beautiful People på Kvarteret for 30kr. Eg gler meg. Det veit eg andre som gjer og.

to the other side

2005-02-12T14:31:00.000+01:00

I går såg eg Major Parkinson, Marit Larsen, litt Vishnu, litt Goddammit, Rhumble In Rhodos og litt av nokon eg ikkje hugsar namnet på. Jo, The Vineyards var det visst. Major Parkinson spelte den beste konserten eg har sett på veldig, veldig lenge. Meir karismatisk vokalist har eg kanskje aldri sett. Nei, det har eg nok ikkje.
Marit Larsen var aldeles ikkje verst. Det måtte bli litt nedtur etter Major Parkinson, men meir enn godkjent var det likevel.
På Folken har nokon gjort ein ikkje godkjent jobb då dei plasserte Vishnu på storescenen og Goddammit på lillescenen. Stakkars Vishnu måtte spele for ein nesten tom sal, mens det vart stappfullt på Goddammit. For øvrig var Vishnu heilt ok, men sikkert litt prega av at dei hadde ein litt for stor og tom sal foran seg. Goddammit høyrdes lovande ut, men det er ikkje det heilt store å måtte sjå konserten frå sida. Rhumble In Rhodos var tøft, men eg tykte det vart litt mykje skrikevokal. Eg skjønar samanlikningane med Les Savy Fav. Men mannen kunne jo synge, så han kunne godt gjort litt meir av det i staden for skrikinga.

No må eg sjå å kome meg på besteforeldrevisitt snart.

it's a summer's breeze

2005-02-11T14:40:00.000+01:00

No er eg heime, for å få med meg Bylarm. Eller "heime" må eg vel seie, sidan eg bur hos bror min. Dei driv og pussar opp badet heime, så dei har ikkje verken do eller dusj, stakkars. Så då bur eg her.

I går såg eg Christer Knudsen, Beautiful People, Mayflies, litt Gåte, Annie, litt Animal Alpha og Madrugada. Stort sett bra konsertar. Annie er ikkje så populær bland Folken-folka. Eg tykte konserten var heilt ok. Mayflies og Madrugada var nok dei to beste av dei eg såg. Madrugada fekk dessutan fordelen av å spele til slutt, så dei fekk spele dobbelt så lenge som dei andre.

No ser eg på VM-slalåm. Det er litt artig, for dei køyrer ut meste alle saman. Men eg trur kanskje at eg snart skal spele litt Playstation.

i hope it's already too late

2005-02-08T14:50:00.000+01:00

Etter ALLV101-forelesinga fekk me med oss Margrete, også fortsette me på analysen av Vaaren. Det vart eigentleg lite analysering, men desto meir snakk om ting som:
- Teikneseriar - me var alle einige om at Nemi er nokså dårleg, mens Tommy & Tigern kanskje er den beste som finst.
- Filmar - som eg for det meste ikkje hadde sett.
- Skodespelarar - The Kevin Bacon Game, som visstnok er å finne på imdb.com. Alle filmar kan linkast til Kevin Bacon, seier dei. I norsk film burde det same vere mogleg med Bjørn Sundquist.
- Såpeseriar - som eg i stor grad hadde sett i alle fall litt av.
- Dialektar - Magnus likar Stavanger-dialekta, Margrete likar den eigentleg ikkje, men det er avhengig av kven det er snakk om. Me var veldig einige i at Mia Gundersen snakkar heilt jævleg.
- Teiknefilmseriar - Simpsons, Futurama og Family Guy, for det meste. Eg for min del saknar South Park.

Dessutan lærte eg nokre nye ord som eg tykte var veldig fine. Desse orda finst i Vaaren, og var heilt uforståelege for oss. Men Margrete sendte melding til faren, som visste råd. Dermed lærte eg at:
- Sågiddre er det eg plar kalle luftspeiling, men som vel ikkje er akkurat det. Når du kan sjå den varme lufta røre seg rett over bakken.
- Fivreld er det same som sommerfugl.
- Dessutan meinte Magnus at åtgaum tyder det som bokmål heiter oppmerksomhet. Eg har aldri høyrd det ordet før, men det kan vel godt hende. Det hadde for øvrig ingenting med Vaaren å gjere.

Og det var vel i stor grad det eg har gjort i dag. No er eg snart på veg heim. Eg må vel prøve å få noko fornuftig ut av notatene me gjorde oss om Vaaren.

where no doctor can relieve me

2005-02-07T15:17:00.000+01:00

Phonofestival på fredag var svært bra. Casiokids, The Turns og Greenland Whalefishers var alle eigentleg betre enn eg hadde forventa. Sistnemnde covra If I Should Fall From Grace With God, og dei spelte til og med den songen som eg ikkje heilt veit kva heiter, men som eg berre kallar No Nay Never. Peder syng ofte på den, fordi hans kjære Blackburn Rovers har adoptert den som supportersong. Eg er berre bitter fordi eg mista Greenland Whalefishers-buttonen eg kjøpte.

Laurdagens festivalkveld er det litt verre med, båe fordi eg ikkje hugsar den så heilt klart og fordi det eigentleg var litt skuffande. Low Frequency In Stereo var bra, Animal Town ikkje heilt så bra som eg hadde vona og Professor Pez hugsar eg ikkje noko av. Men eg var der visst.

Filmkveld i heimen i går. Først Requiem for a Dream. Ekkelt bra. Og så Alice in Wonderland, som ein motvekt, på sett og vis. Dessutan likar eg Ragnar Hovland endå betre etter at eg oppdaga at han referer til Alice in Wonderland i Dr. Munks testamente. Ei dame som forteljaren møter heiter Mimsy Borogov, som er ein nokså openbar referanse til "tullediktet" Jabberwocky i Alice. Det er eit fint dikt, heilt fritt for leksikalsk meining. Les det no om du ikkje har gjort det før.

I dag har Magnus og eg byrja på analyse av Vaaren, av Vinje. Me er komne godt i gang, vil eg seie. Vaaren er eit heksameter, fann me ut. Me vart uforskamma nøgde med denne oppdaginga.

far away, far from pain

2005-02-03T15:01:00.000+01:00

Every Night av Saturday Looks Good To Me er av dei mest sjarmerande platene eg har høyrd på lenge. Det trur eg at eg må seie. Også kosta den berre 129.

I morgon er det Phonofestival på Kvarteret. Eg er mest nysgjerrig på Casiokids og Greenland Whalefishers. Eit band som Shane MacGowan trur er hans eige når han høyrer dei, ligg godt an hos meg.

Eg leitar etter jobb, men det er vanskeleg å finne noko som lar seg kombinere med studier.

For øvrig er Dr. Munks Testamente ei god bok.

it's a love that has no past

2005-01-31T13:35:00.000+01:00

Eg gav meg sjølv eit koffeinsjokk i går, og eg trur sanneleg det sitt i enno. Bakrus kombinert med ei kanne sterk kaffe utan å ha spist først gjorde meg til eit vrak som ikkje hadde evner til å gjere anna enn å ligge i fosterstilling på sofaen meste heile dagen. Det var hardt. Men herregud så godt kaffen smakte.

Men I am Sam var ein fortryllande fin film. Sean Penn er flink. Eg vart litt glad i den filmen. Og bra soundtrack har den og.

Elles har helga vore festleg, sånn i heilt bokstavleg forstand. Hulen var ein bra plass på laurdag. Men eg ser eit og anna sentralt dilemma i horisonten, som for så vidt ikkje har så mykje med Hulen å gjere, men litt likevel. Det skjer for mange ting på ein gong, og eg har litt vanskar for å halde følgje. Med meg sjølv, trur eg. Men det plar gå bra (eller gjer det? No vart eg litt usikker), og det gjer det sikkert denne gongen og.

I dag stod eg opp sju, fordi eg skulle på kollokvie i litteratur klokka kvart over åtte. Men så fann eg ut at eg like gjerne kunne bytte gruppe til kvart over ti. Det gjorde eg og det er eg sanneleg glad for. Det er ein god ting, eigentleg ein udelt god ting, men den inngår og i nemnde dilemma. Vonar det berre er eg som gjer for mykje ut av noko som er lite og ubetydeleg. Ofte er det sånn. Og no må eg handle inn litt brød. Det eg hadde lagt i frysen vart øydelagt. Dumme frys.

no alarms and no surprises

2005-01-23T17:56:00.000+01:00

Artig at problemet engasjerer. Eg har visst litt å svare på.

Først og fremst:
Sitatet som Morten viste til i ein kommentar der nede er ganske nøyaktig det eg prøvde å seie. For øvrig, moglegvis er det rart å stole på "ei dame som svarar på spørsmål" og ikkje på matteprofessorar. Men no er det slik at argumentane for at ho har rett overbeviser meg meir enn ein professortittel. Det tykkjer ikkje eg er så rart.

Broremann: Eg trur kanskje du misforstår noko her. Når du har to dører, og det er ei geit bak den eine og ein bil bak den andre, så er sjansen sjølvsagt 50/50 for å velgje bilen. Men det er jo ikkje det spørsmålet går ut på. Det går ut på om sjansen er større for å få bilen viss du skiftar fra den døra som to av tre gonger vil vere ei geit, til døra som to av tre gonger vil vere ein bil. Spørsmålet er jo eigentleg berre forflytta, for det handlar jo om kva det i utgangspunktet er størst sjanse for velgje. Altså:
I to av tre tilfelle velgjer du først ei dør med ei geit bak, fordi det er to av dei og berre ein bil. Når programleiaren opnar ei dør, så endrar ikkje den brøken seg. Enno står du to av tre gonger på ei geit, og enno er den andre døra to av tre gonger ein bil. Er det fattbart?
Og den 4/3-brøken skjønar eg ingenting av. Kvifor skal du leggje saman dei to brøkane i det heile? Det eg seier er jo berre to sider av same sak. 2/3 for at du står på ei geit tilsvarar 2/3 for at den andre er ein bil. Eg trur det var det eg sa.

Det vart sagt at dette er ei forenkling av reikning. Det er godt mogleg, eg kan ikkje nok om matte til å kunne seie noko anna. Men om det faktisk viser seg at det oftare får ein bil ved å skifte dør, så er det vel noko i det, ikkje?
Eg bør kanskje og nemne at eg har forutsatt heile tida at programleiaren veit kor bilen er, og difor alltid opnar ei dør med ei geit bak.

As for New York:
Her er det berre å hive seg på, bror. Det ser ut til at det blir meg og Mari, og du er sjølvsagt velkommen til å vere med. The more the merrier og sånn. Men me må kanskje forte oss for å få plass.

i am back to save the universe

2005-01-21T13:45:00.000+01:00

Tre ting til:

1. Forklaringa på problemet geit vs. bil: Om du ombestemmer deg, og vel den andre døra, er sjansen 2/3 for at du får bilen. Det høyres ganske rart ut, men sånn som eg har forstått det heile (om eg har forstått det heile), så er dette fordi:
I byrjinga har du tre dører, og det er ei geit bak to av dei. Sjansen for at du vel ei dør med ei geit bak, er då to av tre. Når den døra du ikkje valde blir opna, og det er ei geit bak den, er sjansen enno to av tre for at du står på ei dør med ei geit bak. Med andre ord, sjansen for at du finn ein bil om du skiftar dør, er to av tre.

Dette problemet vart presentert av ei dame som svarte på matematiske problem i eit tidsskrift i USA, trur eg. Ho fekk mange sinte brev frå matematiske professorar som meinte at ho tok feil, men ho stod på sitt. Eg tykkjer det er litt rart at desse professorane ikkje var einig med ho, når forklaringa er så enkel at til og med eg kan forklare det. Eller kan eg?

2. Det ser ut som at New York > Roskilde. I går var eg på Kvarteret med Mari, og då eg fortalde om billege flybillettar og planar om å gå til innkjøp av desse, meldte ho umiddelbar interesse for å vere med. Me hadde ikkje inntatt fleire halvlitere enn du kan telle på ei hand. Men me får sjå. Eg kjem nok til å reise uansett, så tar eg med meg dei som vil vere med. Eg har trua på at det blir ein bra tur.

3. I går var me ein heil gjeng som gjekk på kino for å sjå "Mot veggen". Veldig bra film. Tysk-tyrkisk. Veldig bra. Etter filmen gjekk me på Baran, og då dei andre gjekk heim, fortsatte altså meg og Mari til Kvarteret. Anne Cath ville ikkje vere med fordi "om ho kjende oss rett, så ville me bli seine". Me sa neida, men ho kjende oss visst rett. Det vart litt seint. Og det var ikkje lett å kome seg opp i morges. Men det gjekk. Og eg fann ut at eg har ein god og artig forelesar i Eng101 - Usage. Ho er engelsk, trur eg.

one day you'll dance for me

2005-01-20T14:49:00.000+01:00

Tre ting:

1. Eg er nokså viss på at ingen har svart rett (eller skal det vere "det eg meiner må vere rett"?) på problemet frå i går. I morgon gir eg forklaringa.

2. I dag fekk eg eit elektronisk brev kor det stod at ein ung hobbyregissør frå Stavanger vil lage kortfilm av ein tekst eg har skrive. Eg sa sjølvsagt ja. Artig og smigrande.

3. Det har vore masse snakk om New York i diverse bloggar i det siste. Eg hiv meg på denne trenden, og nemnar at Icelandair har billeg-kampanje-billettar til New York, 3000kr tur-retur. Bestill innan 15. februar, reis innan 15. juni, eller noko slikt. Eg har lyst til å reise. Men då må eg droppe Roskilde. Hmm. Dette må vurderast.

two and two always makes up five

2005-01-19T16:18:00.000+01:00

Eg leste Mark Haddon si roman "The curious incident of the dog in the night-time" i sommar. Der fann eg eit artig matematisk problem (som eg kanskje heller vil kalle eit logisk problem). Eg tenkte ikkje så mykje på det då, men her om dagen nemnde Erik at han hadde høyrd om dette problemet, så eg fann fram boka og tok til å leite det opp. Det har seg slik:
Du er med i eit TV-program, og kan velgje ei av tre dører. Bak den eine er det ein bil, bak kvar av dei to andre er det ei geit. Du velgjer ei dør, og programleiaren opnar så ei av dei to dørene du ikkje valde, og bak den er det ei geit. Du får så ein siste sjanse til å ombestemme deg, og velgje den siste døra. Og her kjem "problemet":
Bør du no ombestemme deg og velgje den siste døra, eller bør du stå på den du valde først? Kor er sjansen størst for at du finn ein bil?
Dei som har lest boka eller kjenner til problemet, kan gjerne vente med å svare. Dei som trur dei veit det, kan svare om dei vil.

i like him just fine but he's a mouth breather

2005-01-18T14:55:00.000+01:00

Døgnrytmen min er i ferd med å kome litt i orden. I går la eg meg berre litt over midnatt. Ny rekord. Kan ha noko med at eg måtte stå opp sju i går, for å kome meg på kollokvie kvart over åtte. Resultatet vart i alle fall at eg i dag stod opp ni utan at det var så vanskeleg som det plar vere.

stay home with me

2005-01-17T09:30:00.000+01:00

På laurdag var eg på superheltfest hos Mari. Eg var Super-Tommy. På ettermiddagen laurdag sprang eg febrilsk rundt i diverse butikkar på leit etter kappe, maske og tøytiger. Til slutt måtte eg finne meg i å vere kreativ, så eg kjøpte ei ekstra t-skjorte som eg laga kappe og maske av. Også fann eg ein tiger som eigentleg er Tigergutt frå Ole Brumm. Men tiger er tiger, tenkte eg.
Det var ein del artige superheltar ute og gjekk. Dei tre musketerane, Peter Pan og noko me til slutt kom fram til måtte vere Johanne Blund, blandt anna. Og ein tøffelhelt.
Me enda opp på Macumba etter kvart. Eg trur me eigentleg skulle til Hulen, men det vart visst litt seint for det. Alt står ikkje heilt klårt for meg av ting som skjedde der. Eg er til høves litt usikker på om det var eg som vart sjekka opp av ho som sa ho var 26 men eigentleg såg yngre ut, eller om det var ho som vart sjekka opp av meg. Eller ein kombinasjon? Ho sa i alle fall at ho skulle tatt meg med heim om eg hadde vore 25. Men det er eg jo ikkje.

I går såg Erik og meg båe Kill Bill-filmane. Eg hadde berre sett den første. Dei er bra. Eg kjøpte dei og Being John Malkovich på laurdag. Eg må få sett den og snart, tenkjer eg. Eg kjøpte og Thomas Dybdahl sitt sistealbum og Cat Power sin What Would The Community Think. Eg vart litt glad i går kveld, då eg leste i Arne Næss-boka og plutseleg høyrde han snakke på ein av songane på Dybdahl-plata. Det var fint. Eg vart ikkje så glad då eg fann ut at discmanen min ikkje klarar å lese Cat Power-plata. Det var trist.

I dag må eg kjøpe litt pensumbøker. Også skal eg på infomøte om ein mogleg studietur til York, for ENG101. Eller, eigentleg alle engelskstudentar på 100-nivå, trur eg. I alle fall. Fred ut.

andy take a little snooze

2005-01-12T20:50:00.000+01:00

Eg sjekka eksamenskarakterane mine i dag. D i Språk og språkvitenskap var litt skuffande. Eg hadde vona på C. Men B i Tekst og kultur er eg godt nøgd med. Eg la nok ein del meir i den enn i SP. Dessutan er det no meir stas og få god karakter på ein langsvarsoppgåve om litteratur enn på ein 5-timarseksamen om språklege definisjonar og terminologiar. Sjølv om eg gjerne skulle hatt ein betre karakter på den og. Men det er no greit. To B-ar og ein D i ex.fac. er eg sånn passe nøgd med, i alle fall. Eller kanskje litt meir enn sånn passe. Eg har trass i alt ikkje fått all verda til karakterar sidan ungdomsskulen.

I dag fekk me plutseleg ikkje signal på TV-en. Om det ikkje kjem att snart, må me sjå til å skaffe oss hobbyar. Eg vonar eigentleg litt på at det ikkje kjem att heilt enno. Det går så mykje dårleg på TV som eg likevel sit og ser på. Men eg reknar med at signalet er tilbake snart.

so you'll aim toward the sky

2005-01-11T15:38:00.000+01:00

Sanneleg hadde eg meldt meg opp i eit emne for mykje. Altså, mindre skule enn det såg ut til ei stund. Det er jo greit. Men litt dumt og, no som eg kjende meg så motivert.

you're the movement and the spin

2005-01-10T21:17:00.000+01:00

No er eg i Bergen att. Eg prøvde å setje saman ei timeplan i dag. Dette semesteret blir ein smule meir hektisk enn forrige. Skule kvar dag? Kva er no dette? Men eg trur det er bra for meg, og gler meg eigentleg til å kome i gang. Og allereie i morgon har eg første forelesing i ENG101.

need a car that can get me around

2005-01-05T01:27:00.000+01:00

I går var eg litt mindre snill enn vanleg, og lasta eg ned ei greie som gjer at eg kan spele Super Nintendo-spel på PC. Så no sit eg og spelar Zelda. Det er mykje, mykje vanskelegare enn 3D-Zelda. Eg har døydd eit utal gongar. Men det er gøy. Eg vart veldig glad då eg såg at dei har mange av dei same namna, på byar og slikt, som i Zelda på Nintendo64. Ah, nostalgi.

No skal eg snart spise min sedvanlege porsjon med nattmat. Så skal eg prøve å leggje meg tidlegare enn i det siste. Eg trur det kjem til å gå dårleg, men det går no an å prøve.

je t'aime the family

2005-01-03T05:30:00.000+01:00

Det er jammen begrensa kor gøy det er å ikkje få sove. Men ein liten pause pleier å hjelpe.

Eg held på å lese ei bok med samtalar med Arne Næss. Det er utruleg kor fascinert det er mogleg å bli av noko som ein eigentleg forstå så lite av. Det siste kapittelet eg las no, var ein samtale med relativitetsfysikaren Øyvind Grøn. Dei snakka om den generelle relativitetsteorien til Einstein. Eg må berre medgå at eg heng ikkje med når dei snakkar om at sola bøyer lyset frå stjernene. Og eg skjønar ikkje kva dei snakkar om når dei diskuterer gravitasjonsbølger. Men det var likevel eit fascinerande kapittel. Ein del av Big Bang-teorien går visst ut på at universet i byrjinga utvida seg med ein uendeleg snøggleik (det ordet er berre fantastisk), om eg forstod dei rett. Dette går imot berekningane til Einstein, som seier at ingenting kan gå fortare enn lysets snøggleik. Men dei snakka og om at ein aldri falsifiserar teoriar, ein berre justerar og modifiserar dei. Arne Næss snakkar og varmt om possibilismen, som går ut på at alt er mogleg. Eg likar den haldninga. Eg likar Arne Næss og.

No skal eg prøve å sove.

i hope my pony knows the way back home

2005-01-02T01:37:00.000+01:00

Eg hugsar mindre enn eg likar å hugse frå i går. Og eg hugsar eigentleg ikkje noko som gir grunn for å revurdere mi meining om at nyttår er oppskrytt. Spesielt nyttårsfylla. Men det var nå ikkje så ille,då. Trur eg. Eg trur eg la meg for så å stå opp att litt seinare opp til fleire gonger. Eg er nokså viss på at eg sov når klokka slo tolv, men eg var oppe i ett-tida. Også ringde eg til nokon som eg eigentleg vonar ikkje svarte. Ikkje på grunn av dei, men fordi eg, om dei svarte, ikkje veit kva eg har sagt. Herrejemini, meg og sprit. Neste nyttår vil eg gjerne hugse at eg held meg vekke frå sprit.

Litt for seint fekk eg invitasjon til ein fest med eigentleg langt meir interessante folk. Men då var eg allereie på Usken, og eg kunne ikkje godt reise heim att då. Eg må berre medgå at folk som diskuterer bussar og våpen, og viser bilete frå busstreff på laptop eigentleg ikkje er dei eg har mest til felles med. Dei er greie folk, men ikkje heilt dei eg trivst best med. Men full blei eg. Det stod ikkje på det.

I morgon (eller kanskje eg skal utsetje det til mandag) må eg byrja på rydding, vasking og maling av mitt gamle soverom. Også må eg finne meg ein jobb i Bergen. Det slo meg plutseleg at det er ein gamleheim rett borti gata vår. Eg kan vel ikkje seie at det er draumejobben. Men finn eg ikkje noko anna, så får eg spørje der. Ach so.

for the wind to gather

2004-12-29T23:42:00.000+01:00

I dag var eg i eit slags juleselskap saman med folk som eg ikkje har sett på eit års tid. Det var gøy. Og det ser ut til at eg blir å finne på Usken på nyttårsaftan. Usken er ei lita øy ute i fjorden her, kor Audun visstnok har hytte. Eg hugsar eg har vore på Usken før, sist gong då eg var sju eller noko slikt. Me var der og ein gong med barnehagen. Det blir visstnok ein del folk, og det blir heilt sikkert gøy. I morgon må eg hugse å gjere storinnkjøp av øl.

Det blir og Irishman og Guinness i morgon, ser det ut til. Guinness-elskande bygdefestgjengarar (især dei frå Romsdal) må gjerne misunne meg, om dei vil. Det blir godt. Men, er eg redd, dyrt.

Eigentleg hadde eg ikkje tenkt å skrive noko om naturkatastrofar. Det er liksom ikkje så mykje å seie, kjenner eg. Men ein ting. Eg trudde at eg ikkje ville kome til å kjenne meg så berørt av det heile som eg faktisk gjer, fordi eg pleier å bli litt apatisk til slike ting som dette, når dei ikkje konkret riv meg ut av kvardagen. Spesielt når tala blir så store. Eg klarer ikkje å forhalde meg til så store tal. Men. Eg kjenner meg mindre uberørt enn av noko eg kan hugse av slike hendingar. Kanskje fordi eg får det inn heile tida. Eg veit ikkje. I alle fall.

just like the ones i used to know

2004-12-25T01:50:00.000+01:00

Eg kan ikkje seie meg anna enn godt nøgd med kvelden. Mykje av det eg ønska meg mest, låg under treet. Fint og flott.

- 1stk. digitalkamera, type Olympus Camedia (stod øvst oppe på ønskelista.)
- 1stk. batterioppladar, type Energizer
- 6stk. oppladbare batteri, type Energizer
- 1stk. DVD, type Alice i Eventyrland
- 1stk. bok, type samtaler med Arne Næss
- 1stk. bok, type Dr. Munks testamente av Ragnar Hovland
- 4stk. historiebøker (morfar er veldig ivrig på å bli kvitt desse, og eg tar villig i mot, sjølv om eg enno ikkje har opna dei eg fekk sist jul. Men ein dag, morfar. Ein dag.)
- 1stk. tursekk (kjekt å ha. Eg får aldri nok frakteting.)
- 2stk. raggsokker (gode og varme.)
- 2stk. votter (kalde hender er ein uting.)
- 1stk. finskjorte
- 1stk. mappe til å bruke til dømes til studier
- 6stk. markertusjer
- 1stk. ostehøvel, type Synnøve Finden (hmm...)
- 400stk. norske kroner (kjem godt med i romjulutådrikkestria.)

Det trur eg var det. Og eg er altså godt nøgd. Mykje fint, mykje nyttig, mykje interessant. Dessutan brukte eg den nesten splitter nye bunaden min for første gong i dag. Det var stas.

i played my drum for him

2004-12-24T17:17:00.000+01:00

God jul!

(Low sin versjon av Little Drummer Boy er umåteleg bra.)

no place to run no place to hide

2004-12-21T01:54:00.000+01:00

Byrjinga på 30 seconds over Tokyo er tøffare enn det meste eg har høyrd i dag.

there was a guy in the seat next to mine

2004-12-20T22:01:00.000+01:00

No er eg altså heime. Det er fint å vere heime. No seier dei til og med at me får kvit jul, men det trur eg ikkje før eg ser det. Me hadde faktisk snø her heilt til i går. No er det berre slaps og is att. Men det er no sånn her i Stavanger.

Eg kan ikkje hugse om eg hadde noko spesielt å melde. Eg hadde nok ikkje det. Anna enn at eg såg Vanilla Sky i går, og vart litt imponert. Eg trur eg må kjøpe den, for den er nok verdt å sjå att. Eg skulle eigentleg jobbe litt med julegaver etter filmen, men så blei eg vel sitjande her i staden. I dag skal eg få gjort litt av kvart båe på julegaver og på den greia eg skriv på. Også skulle eg ha fått byrja på The Picture of Dorian Gray. Eg tenkte eg skulle lese den i jula.

Dublin-prosjektet vårt ser litt tynt ut for tida, er eg redd. Det ser ut til at det er ein del som ikkje kan, eller ikkje har råd. Råda ser det dårleg ut med for meg og, sjølv om eg nok skal klare å skrape saman noko om alle andre plutseleg kan og vil. Så det er kanskje betre om med tar det ein annan gong, slik at me kan få med alle. Eller kva tykkjer Thereso?

Oj. Hey Ya! kom akkurat på ITunesen min. Den er det lenge sida eg har høyrd. Morosamt. Flott sang.

the sun always shines

2004-12-15T13:01:00.000+01:00

Heh. I følgje Studentweb har eg teke 50 studiepoeng i haust. Det er litt imponerande, når eg tenkjer på kor lite eg har gjort for det. No er det vel ikkje heilt rett at eg skal ha 20 poeng for Ex.phil berre fordi eg har tatt det fra før, men eg seier vel ikkje nei takk.

SP-eksamen gjekk sånn ganske som forventa. Heilt greit. Eg sleit lengje med å hugse kva formativ er. Men det kom til slutt. Og hadde det ikke gjort det, så hadde eg slått meg sjølv no. For akkurat det veit eg godt.

I kveld blir det semester-er-slutt-fest (type liten) hos oss. Eller hos meg, må eg vel seie, sidan eg er den einaste av oss som skal vere der. Det blir kos. Og i morgon reiser eg heim. Det blir og kos.

that's why you wanna be there

2004-12-14T15:31:00.000+01:00

Eg tykkjer studielånet er lovleg seint ute no. Dumme Lånekassen.

Hei bror, når eg kjem heim tykkjer eg me skal gå på Irishman og drikka Guinness. Er du med? Ja, det er du. Godt.

Når eg får studielånet, altså i morgon, skal eg kjøpe marsipan.

I morgon har eg eksamen. Det kjem til å gå sånn heilt greit, reknar eg med. Kva er eigentleg greia med eksamensnerver? Eg kjenner ikkje noko til dei.

Heim å spise = god plan.

mercy's eyes are blue

2004-12-08T15:17:00.000+01:00

TK-prøva gjekk bra. Om eg kan seie at eg hadde noko problem, så må det ha vore eit luksusproblem. Eg måtte velgje to spørsmål av fire, og eg kunne eigentleg alle sånn nokolunde godt. Så finfint. Då er eg i praksis ferdig med TK. Berre å levere oppgåva på fredag, og bestå SP-eksamen neste onsdag som står att.

Sidan "demokratiske" Morten ikkje ville ha noko fnass i sin adventsordkalender, så ser eg med nødd for å lage til ein slik ordkalender, eg og. Men berre for i dag. Dagens "ord" (i anførselsteikn fordi det ikkje eigenteg er eit ord) er altså: Fnass
Det betyr ikkje noko, men det er ein fin samansetning av bokstavar. Og det er eit mogleg ord i det norske språket. Altså, det kunne vore eit ord, fordi bokstavsamansetninga gjer lov til det. Men det er det ikkje.

Også siste del, endeleg, av denne greia her:

51. Hvor mange blogger leser du daglig?
- Ikkje så mange som eg kanskje burde. Ein handfull, trur eg.

52. Når er du en dårlig taper?
- Sjeldan, i alle fall om du spør meg. Og det gjer du jo.

53. Hvordan viser du en person at du ikke liker vedkommende?
- Eg trur eg forsøker å ikkje vise det. Og det er jo eigentleg litt dumt. Men slik er det no.

54. Gråter du foran venner?
- Det har vel hendt. Men sjeldan.

55. Hvilket førsteinntrykk tror du at du gir folk?
- Ikkje det verste, trur eg. en ikkje det beste heller. Sånn midt på treet, kanskje.

56. Hva gjør du bare alene?
- Skriv og les gjer eg stort sett åleine.

57. Gir du mer enn du tar?
- Eg trur kanskje ikkje er den rette til å svare på det. Men eg vonar at eg ikkje tek veldig mykje meir enn eg gir (eller er det gjer? Eg er visst ikkje så stødig i nynorsk som eg helst vil vere.).

58. Når gråt du sist?
- Sist gong eg var lei meg nok. Det er nok ei stund sidan.

59. Favorittmåte å kommunisere på?
- Eigentleg er det ingenting som slår eit godt, gammaldags brev. Eg er berre så altfor dårleg til å svare på dei.

60. Hvor mange drinker må til før du blir brisen?
- Eg drikk så sjeldan drinkar, at det veit eg ikkje.

61. Synes du at du er søt?
- Klart, det er difor eg brukar så lang tid på badet.

62. Er du komfortabel med å skifte klær foran venner?
- Stort sett så er ikkje det noko problem.

Endeleg ferdig med den.

the dirt in your fries

2004-12-07T15:13:00.000+01:00

Eg er positivt overraska over meg sjølv. Eg er i praksis ferdig med TK-oppgåva mi, fleire dagar før fristen. Det må vere personleg rekord, i alle fall kva skoleoppgåver angår. No ventar eg berre på slakt frå seminarleiaren min, slik at eg må skrive alt om att. Det hadde vore skoj.

Me har altså ikkje internett heime lengre. Det er vel grenser for kor lenge me kan leve på andre sin liberale holdning til å sende ut trådlaust internett. Men me får vel klare oss likevel.

No har eg tretten kroner på konto. Ni av dei skal brukast på brød, når eg har spist opp det eg kjøpte i går. Eg er svolten, eg må heim for å spise om ikkje lenge.

I morgon har eg førtifem minuttars prøve i TK, som eg må bestå. Eg trur det skal gå greit, men ein veit jo aldri. Eg var nett på lesesalen, og gjekk gjennom nokre spørsmål på usedvanleg slapt vis. Eg får satse på at eg får noko som eg kan.

Spise no.

let down and hanging around

2004-12-06T16:20:00.000+01:00

No har eg endeleg fått betalt husleia vår. Eg sendte dei eit elektronisk brev på fredag og skylda på banken. Alt er banken si skyld.
No skal eg kjøpe mat for det eg har att. Også skal eg helst ha att nok penger til å ta bussen til Hylkje på torsdag. Me skal invadere Åsane folkehøgskole litt. Ein liten invasjon. Eg vonar berre eg ikkje tok feil av datoane, og at det faktisk er på torsdag John Erik er på skulen. Eg trur eg bør sende eit slikt e-brev til han og.

På fredag hadde me vorspiel, med tre elevar frå Åsane. Skulen, altså. Det var gøy. Denne helga har eg brukt nesten ingen penger på masse gøy. Det er rart kor mykje penger ein sparar på å vere blakk.

I går fekk eg endeleg sett Shrek. Den var fin, den. Eg tykkjer det er så fint når ein tradisjonell historie blir fortald på ein måte som gjer den fengande. Eller bra, då. Finfint.

Mat. No.

thursday i don't care about you

2004-12-03T15:43:00.000+01:00

Eg skal heim å spise etterpå. Men først:

41. Ditt mest vågale innkjøp?
- Ehm. Eg tykkjer eg er litt vågal når eg kjøper plater berre fordi coveret er fint. Dessutan kjem eg ikkje på noko anna.

42. Anser du deg selv for å være materialistisk?
- Tja, ja. Eg gjer vel eigentleg det. Men eg trur eg kjenner folk som er meir materialistiske enn meg.

43. Hva er du best til på kjøkkenet?
- Eg er ikkje så aller verst på mat. Også har eg bakt ein god del til jul kvart år, fordi eg vanlegvis gjer besteforeldra mine eit eller anna bakverk i julegave. Det kan vere gøy å lage mat, så lenge eg skal spise den sjølv.

44. Favoritt å skrive med?
- Det kjem an på kva eg skriv. Men tastatur er fint, og penn er fint, det og.

45. Rampelys eller en i mengden?
- Veldig situasjonsbetinga. Rampelys kan vere gøy. Men ein i mengda kan vere meir enn godt nok, det og.

46. Kunne du tenke deg å kle deg ut som det motsatte kjønn?
- Heh. Men ikkje for ofte.

47. Hvilken bil ville du aldri kjøpt?
- Dei fleste. Men ein sånn Mini kunne eg godt tenkje meg, om eg måtte ha ein.

48. Hvilke bøker liker du best å lese?
- Mange. Akkurat no les eg Dublin av Frode Grytten. Eg saknar Dublin. Eg kan vel forresten seie at eg likar gode historiar fortalt på ein spesiell måte. Språk er viktig. Catch 22 er den beste av dei alle.

49. Hvis du vant stort i Lotto, hva ville du brukt pengene til?
- Eg trur det hadde blitt ein del reising. Og ein fin leilighet (kva er nynorsk-ordet for leilighet?).

50. Begravelse eller kremering?
- Det har eg inga formeining om.

born in a truck on the fourth of july

2004-12-03T13:19:00.000+01:00

Eg trur at TK-oppgåva mi skal gå bra. Eg skreiv ein del på den i går, og fann etter kvart ut at problemet blir å begrense oppgåva, ikkje å finne nok stoff. Det er nemleg det som vanlegvis er mitt problem. Rundt 2500 ord skal det vere til slutt. No har eg nesten 2000, og eg har mykje meir eg vil ha med. No må eg snart opp på lesesalen, for å lese til TK-prøva.

up where there's an everlasting arm

2004-11-30T02:47:00.000+01:00

Eg skulle eigentleg leggje med no, men. Eg tek ein til del av denne quiz-saka først. No må eg sjå å bli ferdig med den snart.

31. Hva har du i sengen når du sover?
- Meg, ei dyne og ei pute. I går skifta eg sengetøy. Det var fint.

32. Forteller du venner om sexlivet ditt?
- Sexliv? Kva meiner du?

33. Hvilke(t) språk drømmer du om å snakke flytende?
- Eigentleg fransk, eg tykkjer det er veldig fint. Men eg prøvde i fire år utan å lykkast. Men ein ting klarte eg: Å lure lærarane mine til å gje meg gode karakterar i faget.

34. Hvordan spiser du et eple?
- Eg spiser eple svært sjeldan. Men når eg gjer det, så spiser eg vel med skal og rundt skrotten. Skrott er ekkelt.

35. Hva drikker du helst på bar?
- Øl. Så godt som alltid øl. Guinness om det er å oppdrive, og om det ikkje er altfor dyrt. Eg er glad i Garage. Dei har ein pint Guinness til 43 før ti eller elleve eller noko slikt. Fine folka.

36. Har du piercing?
- Nei. Det har eg ikkje lyst på.

37. Har du noen tatoveringer?
- Nei. Men det kan eg kanskje ha lyst på.

38. Hvordan oppfører du deg bak rattet?
- Rolig, som vanleg. Og litt for ofte uoppmerksamt.

39. Hva må til for at du virkelig skal mislike noen?
- Det er ikkje så mange eg mislikar, eigentleg. Eg velgjer stort sett å ikkje bli kjent med dei eg ikkje trur at eg kjem til å like. Kva som må til, tja. Eg trur det kan kome veldig an på veldig mykje.

40. Hva for slags klokker har du?
- På meg har eg berre klokka på telefonen. Så har eg eit veggur på rommet, og ei klokke på stereoen.

NO skal eg leggje meg.

like little pages

2004-11-30T01:37:00.000+01:00

No skjer det mykje rart med bloggen min. Først laga eg ein ny post, og oppdaga at alle dei gamle hadde forsvunne. Så klarte eg å få dei fram igjen, men då var den nye borte vekk. Eg forstår meg ikkje på dette.

Det eg skulle få fra, i alle fall, var at eg trur eg har blitt litt for komfortabel med Tekst og Kultur-oppgåva mi dei siste dagane. Neste fredag skal den leverast. Men i går natt sat eg oppe til halv tre og skreiv på ein prosatekst i staden. Eg kan ikkje seie at eg angrar, for eg er godt nøgd med det eg fekk skrive. Men det er kanskje ikkje så lurt at det går utover innleveringsoppgåver. Vel, det får så vere.

Det var eit par dagar no at me ikkje hadde internett. Det var på sett og vis ein god ting, av di eg fekk gjort ein del viktige ting. Som å kome i gang med den nemnde oppgåva. Eg er godt i gang. Men det er den vanskelege delen som står igjen.

I dag var me på quiz på Café Opera. Dei er harde, dei folka som er med der. Eg synst det gjekk rett så bra med oss, men me blei no berre nummer tolv eller noko slikt. På dei første femten spørsmåla trur eg me hadde to feil. Men så blei det verre. Me kunne trøyste oss med at vårt lag vant eit brettspel, Quizikon eller noko, i ein trekning. Så no er med betre rusta neste gong.

Eg har nesten bestemt meg for å reise opp til Åsane i morgon. Eg har lyst til å sjå korleis det går med tekstane dei har skrive. Therese, om du les dette før forelesning: Du skal vere med! (Ja?)

i wish i had a river

2004-11-29T13:40:00.000+01:00

I går såg eg Garden State. Den var fin. Eg hadde kanskje trudd at den skulle vere meir enn fin. Men eg trur eg vil sjå den igjen. Den var faktisk umåteleg fin, når eg tenkjer meg om.

På fredag spelar HGH gratiskonsert på Kvarteret. Eg skal sjå dei. Dei er fine folk. Og i morgon har eg lyst til å reise opp på folkehøgskulen. Dei skal dramatisere tekstar som skrivekunstklassen har laga. Men tidspunktet passar litt dårleg. Hmm, dette må eg finne ei løysing på.

Også litt slik:

21. Har du noen gang elsket noen?
- Eg vil tru det.
22. Snakker du mye?
- Nei.
23. Har du god selvtillit/liker du deg selv?
- Kanskje akkurat nok. Eg trur kanskje det. Men det er veldig situasjonsbetinga.
24. Lar du deg av og til irritere over hjemløse, narkomane og sultende på gata?
- Nei. Eg ser ingen grunn til at eg skulle det.
25. Anser du deg selv som en snill person?
- Ja. Kanskje for mykje, av og til.
26. Foretrekker du å tilbringe mest tid sammen med kjæresten eller vennene dine?
- No for tida er det ikkje så mykje kjæraste å oppdrive.
27. Hvor vil du gifte deg hvis du kunne velge fritt?
- Det anar eg ikkje. Eg trur eg tek som det kjem.
28. Hvilket instrument skulle du ønske at du kunne spille?
- Munnspel. Nei, trommer. Trommer er gøy.
29. Favorittstoff?
- ErikAH sitt svar var bra nok for meg. Hud. Eg har aldri tenkt så mykje over dette.
30. Hva elsker du - og hater du?
- Eh. Elske og hate er sterke ord. Eg trur ikkje det er så mange ting eg kan feste til nokon av dei. Men om me modererar oss til likar og mislikar... hmm, då blei det veldig mange ting igjen. Eg er veldig glad i ting som god litteratur, god musikk, gode venar, godt øl (gjerne Guinness). Også mislikar eg slike banale ting som vold, høyrepolitikk, folk som ikkje skjønar kvifor me betalar skatt. Og heilt sikkert mange fleire ting. Desse berre slo meg akkurat no.

keep breathing

2004-11-23T01:48:00.000+01:00

Me køyrer på med meir slikt:

11. Spontant eller planlagt?
- Planlegging har ein viss nytteverdi. Men spontanitet kan vere fint. Eg er diplomatisk, og går for ein god blanding.
12. Hvem skal spille hovedrollen i filmen om ditt liv?
- Er det lov å seie Kristoffer Joner?
13. Kan du spille poker?
- Ja! Eg likar å tru at eg ikkje er så verst og, i alle fall når det gjeld som mest. Sist pokerkveld hadde eg eit fint overskot då eg gjekk heim, i alle høve.
14. Hva har du alltid i vesken/lommene?
- Lommene: Nøkler, plekter (eller, ikkje akkurat no, fordi eg har mista dei igjen), ein colakork kor det står "oss.to@kino?". Den er eigentleg ganske teit. Og eg har ikkje ein gong ein morosam historie om den.
15. Hva savner du mest ved å være barn?
- Å vere ansvarslaus. Og å sleppe unna med det.
16. Er du fornøyd med navnet ditt?
- Eg mislikte det lenge. Men eit namn er no berre eit namn, har eg funne ut. Det betyr ikkje allverda lengre.
17. Hvor mye penger måtte du få for å si takk og farvel til nettet i et helt år?
- Eg er ikkje god til å fastsetje prisar på noko som helst. Så om eg kan sleppe det.
18. Hvilke(n) farge(r) er det på soverommet ditt?
- Mykje kvitt. Det er nokså kjedeleg. Også har eg ei fin teikning av Stavanger sentrum frå 1980, og nokre "kunstverk" som eg har laga sjølve, hengjande på veggen.
19. Siste sangen du hørte på/hva hører du nå?
- Radiohead - Subterranean homesick alien/Exit Music (songen skifta mens eg skreiv)
20. Har du stått på scenen?
- Ja. Det er stort sett ganske gøy. Eller, det kjem vel an på, men på folkehøgskule er det stort sett ganske gøy.

an interstellar burst

2004-11-23T01:36:00.000+01:00

Det er ikkje så ofte eg høyrer på OK Computer. Men det gjer eg no. Og det er fint. I dag har eg og høyrt på:
Bob Marley and the Wailers - Exodus
Den er fantastisk bra. Han var ein bra mann, Bob.
Madrugada - Grit
Aldeles ikkje verst, men i for store mengde blir eg litt lei. Eg trur eg likar dei to fyrste til Madrugada betre, eigentleg.
Madness - Ein eller annan samler
Madness har eit par songer som er verkjeleg bra. Men dei fleste av dei rakk eg ikkje høyre før Store Studio byrja.

ITunes slit med OKC. Eg trur kanskje CD'en er litt sliten. Eg har høyrt mykje på den opp igjennom. Akk. Kanskje eg må kjøpe ny. Ikkje at eg har råd.

let's make it easy

2004-11-21T15:26:00.000+01:00

Det er litt urimelig kor morosamt eg har det med slike ting som dette:

1. Hva er det mest nerdete/pinlige i musikksamlingen din?
- Det mest nerdete må vel vere alle Radiohead-singlane. Men dei har no mange gode b-sider, då. Det mest pinlige, tja. Nokon ville kanskje seie The Corrs Unplugged. Eg veit ikkje kva eg tykkjer om den lengre, det er så lengje sidan eg har høyrt på den. Men eg trur eg tykte den var grei nok sist.
2. Hva spiser du når du raider kjøleskapet om natten?
- Det kjem no heilt an på kva eg finn. Om det i det heile er noko godt der.
3. Hvilken søtsuppefilm sovner du ekstra godt etter å ha sett?
- Eg veit ikkje. Eg har ikkje sett så mange søtsuppefilmar.
4. Hvis du skulle foreta plastisk kirurgi, hva ville du gjort?
- Nei, kva skulle det vere? Eg har ingen store planar om å foreta nokon so, helst form for kirurgi, eigentleg.
5. Har du en komplett irrasjonell frykt?
- Eg har nok mange irrasjonelle antipatiar. Spisse sko, til dømes. Men det einaste eg kjem på av fobiar, er edderkoppar og ekle insekt. Og eg er ikkje veldig glad i rotter. Men det er kanskje ikkje så irrasjonelt?
6. Hva er din lille uvane som avslører deg når du er usikker?
- Eg er litt usikker på den. Hah. Hmm, kanskje at eg har vanskar med å finne ord.
7. Er du pyroman av natur?
- Nja. Eg vil kanskje ikkje gå så langt som å kalle meg pyroman. Men ild kan vere gøy. Ein fyrstikkeske kan gje meg mange gode stundar. Og lukta er fin.
8. Hva med kjærleiken, har du en tendens til å ha for mange menn/kvinner i livet?
- Det er vel ikkje det største problemet eg har, nei.
9. Kjenner du noen som er berømt?
- Eg er på hils med bassisten til Thomas Dybdahl. Eg har diskutert Modest Mouse og Built To Spill med han. Den djevelen har vore på konsert med dei. Elles trur eg det er dårleg med kjendiser. Jo, forresten, eg har spelt ein del fotball med ein Viking-spelar som av og til spelar A-lags-kampar. André Danielsen. Han er ganske god. Eg trur faktisk han moglegvis har U21-landskampar, eller i alle fal U19 eller kva det no er.
10. Beskriv sengen din?
- Det er lite å seie. Den er like rotete som rommet mitt. Akkurat no er den heilblå.

all around, this unseen sound

2004-11-20T01:05:00.000+01:00

Eg vil og prøve dette her:

FØRSTE
Første bestevenn: Jan Olav. Eg snakka sist med han natt til 17. mai i fjor, då han jobba på Essoen rett ved der eg bur i Stavanger, og eg hadde vore ute. Det er litt dumt at eg ikkje veit kva han driv med no.
Første bil: Eitt av mine små mål i livet er å ikkje ha bil så lengje som mogleg. Men lappen har eg, då.
Første nick: Tja. Eg veit ikkje om eg hugsar. Eg har visst hatt ein del forskjellige. Det var moglegvis hmc4ever.
Første egenkjøpte CD: REM - Up
Første kjæledyr: Gullfisk i bolle. Kva min heitte, veit eg ikkje, men bror min sin heitte Thomas. Oppkalla etter lokomotivet.
Første piercing/tatovering: Har ingen. Kanskje ein gong.

SISTE
Siste sigarett: Har ikkje røyka.
Siste biltur: Taxi frå Mari til Kvarteret, sist fredag. Trur eg.
Siste gode gråteanfall: Det veit eg faktisk ikkje. Eg likar eigentleg ikkje at eg ikkje hugsar det.
Siste bibliotekbok: Eg lånte nokre bøker frå skolebiblioteket i fjor. Guden for små ting, i alle fall. Og Naiv. Super. Og du dør så sakte at du tror du lever låg mykje på rommet vårt, men eg trur det var Peder som lånte den.
Siste forelskelse: Mheh. Ikkje godt å seie. Det er eit definisjonsspørsmål.
Siste telefonsamtale: Sist foreldra mine ringde.
Siste dusj: Onsdag var visst det.
Sist brukte sko: Blå Adidas.
Sist spilte sang: The Notwist - Consequence
Sist kjøpte ting: Peder var nede på Rimi og kjøpte smågodt for meg. Elles så var eg på Kiwi og kjøpte noko mat før i dag.
Siste irritasjonsmoment: Han djevelen av ein Sæle-sønn som var på Først & Sist i kveld.
Sist brukte topp/skjorte: Grå Levi's t-skjorte.
Sist besøkte webside: www.zeldauniverse.net. Ja, eg er ein Zelda-geek.
Sist uttalte ord: God natt. Natt, altså.
Siste sang du sang: Hugsar ikkje. Eg song alfabetsongen då me såg på Beat for beat.
Hvilken farge er det på sokkene du har på deg? Dei er blå, gule, rosa, grøne, rød, lilla og oransje. Det er Mari sine ullsokkar. Dei er gode og varme. Eg trur eg skal behalde dei, og kjøpe nokre nye til ho, til jul.
Hvilken farge er det på undertøyet du har på deg? Svart og grått.
Hva befinner seg under sengen din? Ein skuff med noko greier oppi. Ein samanleggbar stol, trur eg.
Når våknet du i dag? Våkna halv ni, stod opp kvart over ni.

FREMTID
Hvor vil du reise? Dublin og/eller New York.
Hva slags karriere kommer du til å få? Hah. Umogleg å svare på.
Hvor kommer du til å bo? Og umogleg å svare på. Det kjem an på veldig månge ting. Men Bergen er fint.
Hvor mange barn vil du ha? To-tre.
Hva slags bil(er) vil du ha? Helst ingen.

NÅTID
Humør akkurat nå: Litt trøytt, lei av smågodt, passe mett, heilt ok.
Musikk akkurat nå: The Go! Team - Friendship Update
Smak i munnen akkurat nå: Bringebærgelésjokolade.
Hår akkurat nå: Litt for langt. Eg må til frisøren når eg reiser heim til jul.
Klær akkurat nå: Brun-aktig cordfløyelsbukse. Blå genser, med blåspraglete ullgenser utanpå.
Irritasjonsmoment akkurat nå: Litt vondt i høgre skuldra.
Skrivebordsbakgrunn akkurat nå: Animal Crossing. Eit spel til Gamecube. Ja, eg er litt Nintendo-geek.
Bok akkurat nå: Markus Midré - Elefantene.
Hat akkurat nå: Eg trur ikkje eg hatar noko som helst. Eg vonar ikkje det, i alle fall.

UNIK
Nervøse vaner? Eg veit ikkje heilt.
Har du "doble ledd"? Nei.
Kan du rulle tungen til et rør? Jau.
Kan du heve et øyenbryn av gangen? Berre det venstre.
Kan du blåse spyttbobler? Nei. Eg synst alltid at det såg så tåpeleg ut, at eg gadd aldri prøve.
Kan du la øynene gå i kryss? Ja.
Tatoveringer? Nei.
Piercinger og hvor? Som sagt, nei.
Rer du opp sengen hver dag? Ikkje akkurat.

KLÆR
Hvilken sko tar du på først? Anar ikkje.
Mens vi snakker om sko -- har du noensinne kastet en på noen? Ikkje det eg veit.
Hvor mye penger pleier du vanligvis å ha i lommeboken? Maks 500. Stort sett mykje mindre.
Hvilke smykker bruker du døgnet rundt? Ingen.
Favorittplagg? Grasshoppers-jakka mi, som eg kjøpte i Dublin.

MAT
Tvinner du spaghettien rundt gaffelen, eller skjærer du den i biter? Tvinner.
Har du noensinne spist Spam? Nei.
Favorittiskremsmak? Noko med sjokoladebitar.
Hvor mange frokostblandinger har du i skapet? Ein, trur eg. Eller ingen. Eg veit ikkje sikkert.

what you once were (isn't what you wanna be anymore)

2004-11-18T01:31:00.000+01:00

Sist helg var fine helga. Me hadde folkehøgskule-reunion. Det var utruleg fint å sjå att folk. Ikkje det at eg ikkje ser folk frå Åsane så godt som kvar einaste dag. Men eg saknar dei som bur andre stadar. Og me hadde så mykje gøy på torsdag, fredag og laurdag. Spesielt på laurdag, må eg nok seie. Det var fint å vere tilbake på Åsane. Og dei eg kjenner frå det nye kullet ser ut til å vere bra folk. Jau, det var gøy. Eg blei litt trist på søndag, då alle reiste.

No planlegg me å reise til Dublin ei langhelg i vår, skrivekunstklassen frå i fjor. Me var på klassetur der. Og eg trur alle vil tilbake. Helst på same tid som klassen frå i år skal vere der. Læraren vår, John Erik, var positiv. John Erik er litt helt. Eg trur, eller eigentlig så veit eg, at eg aldri har hatt nokon betre lærar. Dublin blir bra.