tirsdag, juni 14, 2005

fixing a hole where the rain gets in

Det er rart. I natt drøymde eg at eg var i gravferda til farmor. Då eg våkna ringte far min og sa at ho var død. Kanskje ikkje eigentleg så rart, i og med at me vel har venta på dette den siste veka. Nitti år er mykje. Så mykje at eg kan ikkje heilt skjøne det. Det er fire og ein halv gang så lenge som eg har levd. Lenge. På fredag er det reell gravferd. Det blir nok litt spesielt.

Dagane går utan at eg gjer noko av det eg hadde tenkt å gjere, eller burde gjere. Eg bør nok likevel byrje på pakking i morgon, i og med at eg skal flytte til helga. I morgon bør eg og ta ein tur til Kvarteret, for å sjå om det er nokon der eg gjerne vil snakke med. Det kan hende det er. Det kan og hende det ikkje er, men det finn eg ikkje ut om eg ikkje går innom.
Free Hit Counter
Free Hit Counter